આજે નીતિશ ફરી બની શકે છે બિહારના મુખ્યમંત્રી

Updated: Monday, February 9, 2015, 13:22 [IST]

નવી દિલ્હી/પટણા (વિવેક શુક્લા): શું આજે નીતિશ કુમારના બિહારના મુખ્યમંત્રી બનવાનો રસ્તો સાફ થઇ જશે? શું તેમને ગવર્નર કેશરીનાથ ત્રિપાઠી મુખ્યમંત્રી પદની શપથ લેવાનો સમય આપશે? આ બંને સવાલ આજે પટણાથી લઇને દિલ્હીના રાજનૈતિક ગલિયારામાં ઊઠી રહ્યા છે.

રાજભવનને એક અન્ય પત્ર પણ સોંપ્યો જેમાં જેડીયૂ અધ્યક્ષ શરદ યાદવ તરફથી મુખ્યમંત્રી જીતનરામ માંઝીને લખેલા પત્ર અંગે જણાવવામાં આવ્યું છે. પત્રમાં માંઝીને જણાવવામાં આવ્યું છે કે નીતિશ કુમારની નેતા તરીકે પસંદગી કરી લીધા બાદ તેઓ સત્તા રૂઢ પાર્ટીના વિધાયક દળના નેતા હવે નથી.

130 વિધાયકોનો સાથ
આની વચ્ચે, જેડીયૂ પ્રદેશ અધ્યક્ષ વશિષ્ઠ નારાયણ સિંહએ ગઇકાલે રાજ્યપાલને 130 વિધાયકોના સમર્થનનો પત્ર સોંપ્યો.

વશિષ્ઠ નારાયણ સિંહ, આરજેડી નેતા અબ્દુલ બારી સિદ્દીકી, કોંગ્રેસ વિધાયક દળના નેતા સદાનંદ સિંહ, ભાકપા નેતા જીતેન્દ્ર નારાયણ અને અપક્ષ વિધાયક ગોસ્વામીએ આજે રાજ્યપાલના કાર્યાલયને સમર્થનનો પત્ર સોંપ્યો જેમાં દાવો કરવામાં આવ્યો છે કે નીતિશ કુમારને 130 વિધાયકોનું સમર્થન પ્રાપ્ત છે. 243 સભ્યોવાળી બિહાર વિધાનસભામાં જેડીયૂના 111, ભાજપના 87, આરજેડીના 24, કોંગ્રેસના 5, ભાકપાના એક અને પાંચ અપક્ષીય વિધાયક છે, જ્યારે 10 ખાલી છે.

નીતિશ બની શકે છે મુખ્યમંત્રી
આની વચ્ચે બિહાર વિધાનસભાના અધ્યક્ષ ઉદય નારાયણ ચોધરીએ નીતિશ કુમાર જેડીયૂ વિધાયક દળના નવા નેતાના રૂપમાં સાન્યતા આપી દીધી છે, જ્યારે જીતન રામ માંઝીને પૂર્વ મુખ્યમંત્રી માનવામાં આવ્યા છે.

સિંહે જણાવ્યું કે 'રાજ્યપાલ કેશરીનાથ ત્રિપાઠીના સોમવારે રાજધાનીમાં પરત ફર્યા બાદ જેડીયૂ વિધાયક દળના નેતા નીતિશ કુમાર સરકાર બનાવવાનો દાવો રજૂ કરવા ઔપચારિક રીતે રજૂઆત કરશે.'

રાજધાનીમાં બિહાર ભવનના સૂત્રો અનુસાર, બિહારમાં આજે નીતિશ કુમારને મુખ્યમંત્રી પદના શપથ લેવાનો સમય મળી શકે છે.