Danger : હવે એવરેસ્ટ પર પણ વધી રહેલી ભીડથી સર્જાય છે જામ !!!

Published: Wednesday, May 29, 2013, 13:39 [IST]

લદ્દાખ, 29 મે : વિશ્વની સૌથી ઊંચી પર્વતીય ટોચ માઉન્ટ એવરેસ્ટ પર પર્વતારોહકોની ભીડ એ હદે વધી રહી છે કે હવે ત્યાં જામની સ્થિતિ સર્જાઇ ગઇ છે. આ કારણે એક સમયે અજેય ગણવામાં આવતી આ ટોચ હવે સામાન્ય પર્વતારોહકો માટે પણ પહોંચવામાં દુનિયા મુઠ્ઠીમાં કરી લેવા જેવી સરળ બની ગઇ છે. એવરેસ્ટ પર વધતા જામને કારણે ત્યાં ગંદકી અને પ્રદુષણ વધ્યું છે. આ બાબત પર્યાવરણ પ્રેમીઓ માટે ચિંતાનું કારણ બની છે.

પર્વતારોહણનું વ્યાવસાયીકરણ
પર્વતારોહણના સાધનોમાં આવેલી પ્રગતિ અને શેરપા ગાઇડ્સના અથાક પ્રયત્નોને કારણે આજે મોટી સંખ્યામાં લોકો માઉન્ટ એવરેસ્ટ પર ચઢી શકવા સક્ષમ બન્યા છે. નેશનલ જિઓગ્રાફિકના આંકડા અનુસાર લગભગ બે દાયકા પૂર્વે એટલે કે 1990માં માઉન્ટ એવરેસ્ટ સર કરવામાં સફળતા મેળવનારા પર્વતારોહીઓનું પ્રમાણ 18 ટકા હતું. આજે 2012માં પ્રમાણ વધીને 56 ટકા થઇ ગયું છે. વર્ષ 2012માં એક દિવસમાં સરેરાશ 234 પર્વતારોહકો ચોટી પર પહોંચી રહ્યા છે. જ્યારે વર્ષ 1983માં આ સંખ્યા 8 અને એક દાયાકા બાદ તે 40 હતી. પર્વતારોહકોની વધતી ભીડને કારણે હવે ફરિયાદ ઉઠી રહી છે કે તેમને ચોટી પર પહોંચવા માટે બેથી અઢી કલાકની રાહ જોવી પડે છે. આ તમામ સમસ્યાઓ દૂર કરવા માટે ચર્ચાઓ શરૂ થઇ છે, વિકલ્પો અને સૂચનો આવી રહ્યા છે પણ ઉકેલ મળવાનું નામ લેતો નથી.

બાળકથી બુઢ્ઢાઓ સૌની પહોંચમાં એવરેસ્ટ
પશ્ચિમના દેશોમાં લોકો માઉન્ટ એવરેસ્ટ સર કરવા માટે 10,000થી 1,00,000 ડોલર સુધીની ચૂકવણી કરવા તૈયાર હોય છે. જેના કારણે બેઝ કેમ્પની આસપાસ પર્યટન ઉદ્યોગનો વિકાસ થયો છે. હવે એવરેસ્ટ સર કરવો એટલો સરળ છે કે 1953 બાદ અત્યાર સુધીમાં 3000 લોકો ત્યાં પહોંચી શક્યા છે. જેમાં કેલિફોર્નિયાનો 13 વર્ષીય જોર્ડન રોમેરો અને જાનાનના 80 વર્ષના વૃદ્ધ યુચિરો મિયુએરાનો સમાવેશ પણ થાય છે.

વધતી ભીડને કારણે એવરેસ્ટ પર કેવી સ્થિતિ સર્જાઇ છે આવો જોઇએ તસવીરોમાં...