અયોધ્યામાં રામ કી પૈડીમાં સ્નાન કરતી વખતે કપલને કિસ કરવી ભારે પડી, લોકોએ મારપીટ કરી!
અયોધ્યામાં મંગળવારે રામ કી પૈડીમાં સ્નાન કરતી વખતે એક વ્યક્તિએ તેની પત્નીને ચુંબન કર્યું હતું. આ કરતી વખતે ત્યાં હાજર અન્ય લોકોએ પણ બંનેને જોયા. લોકોએ વાંધો ઉઠાવ્યો અને કહ્યું કે અહીં આવા કૃત્યો નહીં ચાલે.
અયોધ્યા, 22 જૂન : અયોધ્યામાં મંગળવારે રામ કી પૈડીમાં સ્નાન કરતી વખતે એક વ્યક્તિએ તેની પત્નીને ચુંબન કર્યું હતું. આ કરતી વખતે ત્યાં હાજર અન્ય લોકોએ પણ બંનેને જોયા. લોકોએ વાંધો ઉઠાવ્યો અને કહ્યું કે અહીં આવા કૃત્યો નહીં ચાલે. જે બાદ વિવાદ શરૂ થયો અને મામલો એટલો વધી ગયો કે લોકોએ યુવક સાથે મારપીટ કરી. આ દરમિયાન પત્ની વિનંતી કરતી રહી, પરંતુ લોકો તેના પતિને મારતા રહ્યા.
સ્નાન દરમિયાન પતિ પત્નીને કિસ કરી
માહિતી મુજબ, મંગળવારે પતિ-પત્ની અયોધ્યામાં રામ કી પૈડીમાં સ્નાન કરવા આવ્યા હતા. સ્નાન દરમિયાન પતિએ તેની પત્નીને ચુંબન કર્યું હતું. આ જોઈને ત્યાં હાજર લોકોએ તેને માર માર્યો હતો. આ ઘટના સાથે જોડાયેલા બે વીડિયો સામે આવ્યા છે. એક વીડિયોમાં પતિ-પત્ની કિસ કરતા જોવા મળી રહ્યા છે જ્યારે બીજા વીડિયોમાં પતિને માર મારવામાં આવી રહ્યો છે.
20 મિનિટ સુધી માર મારતા રહ્યા
વીડિયો અનુસાર, બેથી ત્રણ લોકોએ પતિને પકડી લીધો અને લગભગ 20 મિનિટ સુધી માર માર્યો. આ દરમિયાન પત્ની રડતી રહી અને તેના પતિને છોડાવવા માટે આજીજી કરતી રહી, પરંતુ કોઈએ તેની વાત સાંભળી નહીં. મારના કારણે પતિને શરીર પર અનેક જગ્યાએ ઈજાઓ થઈ છે.
લોકો વીડિયો બનાવતા રહ્યા
તમને જણાવી દઈએ કે, વ્યક્તિને જાહેરમાં માર મારવામાં આવ્યો હતો અને ત્યાં હાજર અન્ય લોકો ઘટનાનો વીડિયો બનાવતા રહ્યા હતા. કેટલાક લોકોએ કહ્યું કે તેમના પરિવારના સભ્યો પણ ત્યાં હાજર હતા, તેથી તેઓ પતિ-પત્ની દ્વારા અશ્લીલતા ફેલાવવાનું સહન કરી શક્યા નહીં. લોકોએ વાંધો ઉઠાવ્યો અને કહ્યું કે જાહેર સ્થળોએ આવી અભદ્રતા ન કરવી જોઈએ.
એક અઠવાડિયુ જૂનો વિડિયો
કહેવામાં આવી રહ્યું છે કે આ વીડિયો એક સપ્તાહ જૂનો છે. આ મામલે હજુ સુધી કોઈ ફરિયાદ મળી નથી. આ કેસમાં પોલીસ હાલમાં કેમેરા સામે કંઈ પણ કહેવાનું ટાળી રહી છે.
The young man kissed his wife while taking a bath in #Ayodhya , the public caught and beat him#Trending #ViralVideo #India pic.twitter.com/bST10dPGR3
— IndiaObservers (@IndiaObservers) June 22, 2022
સંતોએ નારાજગી વ્યક્ત કરી
આ મામલે સંતોએ નારાજગી વ્યક્ત કરીને વ્યક્તિને માર મારવાની ઘટનાને યોગ્ય ગણાવી છે. શ્રી રામવલ્લભકુંજના વડા સ્વામી રાજકુમાર દાસે કહ્યું કે સાર્વજનિક સ્થળોએ આવી અભદ્રતા કરવી યોગ્ય નથી. તીર્થસ્થળો પર ધર્મ અને મર્યાદાનું પાલન કરવું જોઈએ. જો આ પ્રકારની અભદ્રતા જાહેર સ્થળે થશે તો સમાજના લોકોમાં ખોટો સંદેશ જશે. હનુમત નિવાસના મહંત ડો.મિથિલેશ નંદિની શરણે કહ્યું કે લોકોએ મારપીટ કરીને સારું કર્યું.
Click it and Unblock the Notifications
Sign in with Google
