તોફાન ‘ફેલિન’ને શ્રીકાકુલમમાં સર્જી તબાહી

હૈદરાબાદ, 13 ઓક્ટોબરઃ તબાહીનું તોફાન ફેલિન દક્ષિણ ઓરિસ્સા તટને પાર થઇ ચૂક્યું છે. ઓરિસ્સા અને આંઘ્ર પ્રદેશ આ ચક્રવાતથી સૌથી વધારે પ્રભાવિત થયા છે. ઓરિસ્સામાં આ તોફાને કાચા ઘરો અને જૂની ઇમારતોની ભારે નુક્સાન પહોંચાડ્યું છે, વિજળી અને સંચાર વ્યવસ્થા સંપૂર્ણપણે ઠપ થઇ ગઇ છે. 7 લોકોના મોત નીપજ્યાં છે. અત્યારસુધી નુક્સાનનું સ્પષ્ટ આંકલન કરી શકાયું નથી.

ચક્રવાતી તોફાન ફેલીને આંઘ્ર પ્રદેશના શ્રીકાકુલમ જિલ્લામાં ભારે તબાહી મચાવી છે. જ્યાં ભારે હવાઓએ ભારે વરસાદ પડી રહ્યો છે. 200 કિમી પ્રતિ કલાકની ઝડપથી પહોંચેલા ચક્રવાતી તોફાન પોતાની સાથે ભારે વરસાદ અને ઝડપી હવાઓ લાવ્યું છે. તે ઓરિસ્સાની સીમા નજીક આવેલા જિલ્લાઓમાં તબાહીના નિશાન છોડી ગયું છે. જો કે, હાલ કોઇના મોતના સમાચાર નથી.

તોફાનમાં ભારે પવનોના કારણે વિજળીના થાંભલા પડી ગયા છે, જેના કારણે જિલ્લામાં વિજળી ગુલ થઇ ગઇ છે. ઓરિસ્સાને શ્રીકાકુલમ સાથે જોડનારા રાષ્ટ્રીય માર્ગો પર સેંકડો વાહન ફસાયા છે. ચક્રવાતના કારણે રસ્તાઓ અને રેલવે લાઇન ક્ષતિગ્રસ્ત થઇ ગઇ છે. ચક્રવાતી તોફાનથી કલિંગપટ્ટનમ, ઇચ્છાપુરમ, કાવિતી, સોમપેટા, પલાસા, વજ્રપુકોત્તુર અને કાંથિલી મંડલ સૌથી વધારે પ્રભાવિત થયા છે. પ્રશાસને શ્રીકાકુલમ, વિજયનગરમ અને વિશાખાપટ્ટનમ જિલ્લામાંથી 1.29 લાખ લોકોને સુરક્ષિત સ્થાનો પર સ્થળાંતરિત કર્યા છે.

English summary

phailin leaves trail destruction cyclone intensity weakens