મંજૂરી વિના જબરદસ્તી કેમ્પસમાં ઘૂસી પોલીસ, સ્ટાફ અને વિદ્યાર્થીઓને માર્યા
મંજૂરી વિના જબરદસ્તી કેમ્પસમાં ઘૂસી પોલીસ, સ્ટાફ અને વિદ્યાર્થીઓને માર્યા
નવી દિલ્હીઃ નાગરિકતા સંશોધન એક્ટ વિરુદ્ધ સતત પ્રદર્શન ઉગ્ર અને હિંસક થતું જોઈ રહ્યું છે. દેશની રાજધાની દિલ્હીમાં જામિયા મિલિયા યૂનિવર્સિટીના વિદ્યાર્થીઓનું આ એક્ટની વિરુદ્ધનું પ્રદર્શન ભારે હિંસક થઈ ગયું છે. આ પ્રદર્શનમાં એક પોલીસ જવાન ઘાયલ થઈ ગયા છે, જેને હોસ્પિટલમાં દાખલ કરવામાં આવ્યા છે. જ્યારે વિદ્યાર્થીઓના ઉગ્ર પ્રદર્શન બાદ દિલ્હી પોલીસ જામિયા મિલિયા યૂનિવર્સિટીના કેમ્પસમાં પહોંચી ગઈ છે અને તેમણે યૂનિવર્સિટીના ગેટ બંધ કરી દીધા છે. યૂનિવર્સિટીમાં પોલીસ પહોંચ્યા બાદ યૂનિવર્સિટીના ચીફ પ્રોક્ટરે પોલીસ પર મોટો આરોપ લગાવ્યો છે.
યૂનિવર્સિટીના ચીફ પ્રૉક્ટર વસીમ અહમદ ખાને કહ્યું કે પોલીસ કેમ્પસની અંદર જબરદસ્તી ઘૂસી છે અને તેને કેમ્પસમાં ઘૂસવાની મંજૂરી આપવામાં આવી નહોતી. અમારા સ્ટાફ અને વિદ્યાર્થીઓને કેમ્પસની અંદર પીટવામાં આવ્યા છે અને તેમને જબરદસ્તી બહાર કરવામાં આવ્યા છે. જ્યારે જામિયા યુનિવર્સિટીનું કહેવું છે કે જે હિંસા થઈ તેમાં જામિયાના વિદ્યાર્થીઓ સામેલ નથી, આ હિંસા ત્યાંના આસપાસના લોકોએ કરી છે, આ વિદ્યાર્થીઓના પ્રદર્શન દરમિયાન નથી થઈ. જામિયાના શિક્ષક સંઘે તમામ વિદ્યાર્થીઓને અપીલ કરી છે કે તેઓ સ્થાનિક નેતાઓના દિશાહીન પ્રદર્શનમાં ભાગ ના લે.
Delhi: Police and protesters outside the campus of Jamia Millia Islamia University; tear gas shells fired at protesters by the police. pic.twitter.com/Zgs8uXoLvb
— ANI (@ANI) December 15, 2019
જણાવી દઈએ કે દિલ્હીમાં પ્રદર્શનકારી સતત ઉગ્ર થતા જઈ રહ્યા છે. પ્રદર્શનકારીઓએ દિલ્હી પરિવહન નિગમની બસોને આગને હવાલી કરી દીધી છે, એટલું જ નહિ ભરત નગર વિસ્તારમાં આંદોલનકારીઓના વિરોધ પ્રદર્શનને પગલે દિલ્હી પોલીસ અલર્ટ પર છે અને સુરક્ષા વ્યવસ્થા આકરી કરી દેવામાં આવી છે. જામિયા મિલિયા ઈસ્લામિયા વિશ્વવિદ્યાલયના વિદ્યાર્થીઓ સહિત આંદોલનકારીઓએ કાલિંદી કુંજ રોડ પર નાગરિકતા સંશોધન બિલ વિરુદ્ધ વિરોધ પ્રદર્શન કર્યું. જંતર-મંતર પર પણ પૂર્વોત્તર રાજ્યોના વિદ્યાર્થીઓએ પણ બિલની વિરુદ્ધ ભારે પ્રદર્શન કર્યું.
Click it and Unblock the Notifications
Sign in with Google
