પોસ્કોનો વિરોધ : મહિલા દિવસે જ મહિલા દેખાવકારો નિર્વસ્ત્ર બની
પ્રદર્શનકારી મહિલાઓનું કહેવું છે કે જો અધિગ્રહણ અટકાવવામાં નહીં આવે અને પોલીસફોર્સને પાછી ખેંચવામાં નહીં આવે તો બધી જ મહિલાઓ સંપૂર્ણ નગ્ન બનીને પ્રદર્શન કરીશું. ઉલ્લેખનીય છે કે ગુરુવારે પણ પોલીસ અને પ્રદર્શનકારીઓ વચ્ચે ઝપાઝપી થઇ હતી. જેમાં 12 લોકો ઘાયલ થયા હતા. ભારે વિરોધના પગલે ભૂમિ અધિગ્રહણનું કામ આગળ ચાલી શક્યું ન હતું.
ગોવિંદપુર ગામમાં મંગલા ચોકથી પોલીસને દૂર કરવાની માંગ સાથે પ્રદર્શનકારીઓ અને પોલીસ વચ્ચે ઝપાઝપી થઇ હતી. આ ઘટનામાં ઘાયલ થયેલા લોકોમાં મહિલાઓની સંખ્યા સૌથી વધારે છે. આ ઉપરાંત તેમના પર લાઠી ચાર્જ કરવામાં આવ્યો હતો. મહિલાઓનું કહેવું છે કે પોલીસે ટીયરગેસ સેલ પણ છોડ્યા હતા.
આ ઘટનાઓને પગલે ભૂમિ અધિગ્રહણની કામગીરી અનિષ્ચિત મુદત માટે બંધ કરી દેવામાં આવી છે. સરકારી અધિકારીઓનું કહેવું છે કે હાલ ભૂમિ અધિગ્રહણનું કામ રોકી દેવામાં આવ્યું છે. જો કે ટૂંક સમયમાં યોજના સ્થળ અને ગામોને જોડવા માટે નવા રસ્તાઓ અને પુલનું નિર્માણ કરવામાં આવશે.
Click it and Unblock the Notifications
Sign in with Google
