HAL પર રાહુલ ગાંધીએ રક્ષામંત્રી પર નિશાન સાધ્યું, કહ્યું- સંસદમાં જૂઠું બોલ્યા

HAL પર રાહુલ ગાંધીએ રક્ષામંત્રી પર નિશાન સાધ્યું

નવી દિલ્હીઃ રાફેલ ડીલને લઈ શિયાળુ સત્ર દરમિયાન સંસદમાં ભારે હંગામો મચ્યો છે. લોકસભામાં આજે પણ રક્ષામંત્રી નિર્મલા સીતારમણના નિવેદન બાદ કોંગ્રેસે હંગામો કર્યો અને તેમના પર જૂઠ બોલવાનો આરોપ લગાવ્યો. રાહુલ ગાંધીએ કહ્યું કે સંસદમાં આજે રક્ષામંત્રી જૂઠું બોલ્યાં છે. રાહુલ ગાંધીએ ફરી એકવાર આ ડીલને લઈ પીએમ મોદી અને રક્ષામંત્રી નિર્મલા સીતારમણ પર નિશાન સાધ્યું.

રાહુલ ગાંધીએ પૂછ્યું કે પીએમ મોદી અને રક્ષામંત્રી અને પીએમ મોદીને સવાલ કર્યો કે, શું વાયુસેના અને રક્ષા મંત્રાલયના વરિષ્ઠ અધિકારીઓએ રાફેલ ડીલમાં તમારા હસ્તક્ષેપનો વાંધો ઉઠાવ્યો હતો? રાહુલે કહ્યું કે, રક્ષામંત્રી પહેલા કહી રહ્યા હતા કે HALને 1 લાખ કરોડ આપવામાં આવ્યા છે. જ્યારે હવે કહી રહ્યા છે કે HAL 26,570.80 કરોડ રૂપિયા આપવામાં આવ્યા છે. રક્ષામંત્રી સંસદમાં જૂઠું બોલ્યાં.

જણાવી દઈએ કે આજે લોકસભામાં રક્ષામંત્રીએ કોંગ્રેસના આરોપો પર જવાબ આપતા કહ્યું હતું કે વર્ષ 2014-18 દરમિયાન 26,570.80 કરોડ રૂપિયાના કરાર પહેલા જ એચએએલ સાથે કરવામાં આવ્યા છે અને 73 હજાર કરોડ રૂપિયાનો ઓર્ડર પાઈપલાઈનમાં છે. આ પ્રકારે એક લાખ કરોડ રૂપિયા HALને આપવામાં આવ્યા છે. રાફેલ ડીલ પર રાહુલ ગાંધીનો આરોપ છે કે પીએમ મોદીએ અનિલ અંબાણીની કંપનીને આ ડીલમાં લાભ પહોંચાડવાનું કામ કર્યું છે. જ્યારે ભાજપે રાહુલ ગાંધીના આરોપોને પાયાવિહોણા ગણાવી રાજનૈતિક લાભ માટે ચલાવવામાં આવી રહેલ એજન્ડા ગણાવ્યો.

આ પણ વાંચો- મોદી સરકારનો મોટો નિર્ણય, સવર્ણોને 10 ટકા અનામતનું એલાન

English summary

rafale row: Nirmala Sitharaman responded over HAL, rahul calls her statement as lie