રેલવે લાંચ કાંડ : બંસલને ક્લીન ચિટ સામે કોર્ટે પ્રશ્ન ઉઠાવ્યો

નવી દિલ્હી, 20 જુલાઇ : રેલવે લાંચ કાંડમાં પૂર્વ રેલવે મંત્રી પવન કુમાર બંસલને ક્લીન ચિટ આપવા અંગે કોર્ટે પ્રશ્ન ઉઠાવ્યો છે. કોર્ટે એમ પણ જણાવ્યું છે કે ટ્રાયલ દરમિયાન બંસલની ભૂમિકાની તપાસનો આદેશ આપી શકાય છે.

આ કેસમાં પવન બંસલના ભાણિયાવિજય સિંગલા પર રેલવેના અધિકારી મહેશ કુમાર પાસેથી રિશ્વલ લેવાનો આરોપ છે. મહેશ કુમારે આ લાંચ પોતાની ગમતી જગ્યા પર પોસ્ટિંગ કરાવવા માટે આપ્યા હતા. મહેશ કુમાર પર આરોપ છે કે તેમને રેલવેમાં મેમ્બર ઇલેક્ટિકલનું પદ જોઇતું હતું. જેથી બેંગલોરની એક કંપનીને કોન્ટ્રાક્ટ અપાવી શકે. આ કંપનીના માલિકે મહેશ કુમારને રિશ્વત આપી હતી. જે બંસલના ભાણિયા વિજય સિંગલાને મળી હતી.

આ અંગે સીબીઆઇએ કોર્ટમાં જણાવ્યું કે તેમની પાસે પૂર્વ રેલવે મંત્રી પવન કુમાર બંસલની વિરુદ્ધ પુરતા પુરાવા નથી. પવન બંસલ સીબીઆઇની સાક્ષી તરીકે કોર્ટમાં રજૂ થવાના છે. આ મુદ્દે સીબીઆઈના જજ સુવર્ણકાંત શર્માએ સીબીઆઇની ઝાટકણી કાઢતા જણાવ્યું છે કે આ કેસમા પવન બંસલની ભૂમિકાની તપાસ પણ થઇ શકે છે.

English summary

Railway bribery : Court raised questions on given clean chit to Bansal