રતન ટાટા બન્યા પીએમ કેયર્સ ફંડના ટ્રસ્ટી, જાણો બીજુ કોણ કોણ છે સામેલ?

પ્રખ્યાત ઉદ્યોગપતિ અને ટાટા સન્સના માનદ અધ્યક્ષ રતન ટાટા, સુપ્રીમ કોર્ટના ભૂતપૂર્વ જસ્ટિસ કેટી થોમસ અને ભૂતપૂર્વ ડેપ્યુટી લોકસભા સ્પીકર કારિયા મુંડાને PM CARES ફંડના ટ્રસ્ટી તરીકે નિયુક્ત કરવામાં આવ્યા છે. કેન્દ્ર સરકારે બુધવારે સત્તાવાર નિવેદન જારી કરીને આ જાણકારી આપી છે.

વડા પ્રધાન નરેન્દ્ર મોદીની અધ્યક્ષતામાં મંગળવારે ટ્રસ્ટી મંડળની બેઠક યોજાઈ હતી જેમાં કેન્દ્રીય ગૃહ પ્રધાન અમિત શાહ, નાણાં પ્રધાન નિર્મલા સીતારમણ સહિત નવનિયુક્ત સભ્યોએ ભાગ લીધો હતો. અમિત શાહ અને નિર્મલા સીતારમણ પણ ટ્રસ્ટી મંડળમાં છે.

વડા પ્રધાન કાર્યાલય તરફથી જારી કરાયેલા એક નિવેદનમાં કહેવામાં આવ્યું છે કે, "વડાપ્રધાને પીએમ કેર્સ ફંડનો અભિન્ન ભાગ બનવા પર નવા ટ્રસ્ટીઓનું સ્વાગત કર્યું છે."

સલાહકાર બોર્ડમાં આ નામો સામેલ

• આ સાથે પીએમ કેયર્સ ફંડના સલાહકાર બોર્ડના સભ્યોના નામની પણ જાહેરાત કરવામાં આવી છે. ભૂતપૂર્વ કોમ્પ્ટ્રોલર અને ઓડિટર જનરલ રાજીવ મેહર્ષિ, ઈન્ફોસિસ ફાઉન્ડેશનના ભૂતપૂર્વ ચેરપર્સન સુધા મૂર્તિ અને ટીચ ફોર ઈન્ડિયાના સહ-સ્થાપક આનંદ શાહને સલાહકાર બોર્ડમાં સ્થાન આપવામાં આવ્યું છે.
• વડાપ્રધાને કહ્યું કે નવા ટ્રસ્ટીઓ અને સલાહકારોની સામેલગીરી પીએમ કેર્સ ફંડની કામગીરીને વ્યાપક પરિપ્રેક્ષ્ય આપશે.
• નિવેદનમાં કહેવામાં આવ્યું છે કે, "બેઠકમાં ચર્ચા કરવામાં આવી હતી કે કટોકટી અને કટોકટીની પરિસ્થિતિઓનો અસરકારક રીતે સામનો કરવા માટે પીએમ કેર્સની મુખ્ય ભૂમિકા છે, માત્ર રાહત સહાય દ્વારા જ નહીં, કટોકટી અને સંકટની પરિસ્થિતિઓનો અસરકારક રીતે સામનો કરવા માટે PM CARES પાસે ઉત્તમ વિઝન છે."

English summary

Ratan Tata became the trustee of PM Cares Fund, know who else is involved?