જૂની નોટ બદલાવાના આરોપમાં આરબીઆઇના સીનિયર અધિકારીની ધરપકડ
આરબીઆઇના આ અધિકારી પર કમિશન લઇને જૂની નોટોને નવી નોટોમાં બદલવાનો આરોપ છે. કરોડો રુપિયાની નવી નોટની સાથે 8 લોકોની પણ ધરપકડ કરવામાં આવી છે...
નોટબંધીના નિર્ણય બાદ દેશભરમાં ધડાધડ પકડાઇ રહેલા કાળાનાણા અને તેના માલિકો પર કસાઇ રહેલા સકંજા વચ્ચે બેંગલુરુમાં સીબીઆઇની ટીમે રિઝર્વ બેંકના એક અધિકારીની ધરપકડ કરી છે. આરબીઆઇના આ અધિકારી પર કમિશન લઇને જૂની નોટોને નવી નોટોમાં બદલાવાનો આરોપ છે. દરોડામાં ટીમે કરોડો રુપિયાની નવી નોટો સાથે 8 લોકોની પણ ધરપકડ કરી છે.
જાણકારી મુજબ આરોપ છે કે આરબીઆઇની બેંગલુરુ ઓફિસમાં સીનિયર સ્પેશિયલ આસિસટંટ પદ પર તૈનાત માઇકલ નામનો આ અધિકારી કમિશન લઇને કાળાનાણાને નવી નોટોમાં બદલવાનું કામ કરતો હતો.
આ લોકોને સીબીઆઇએ સ્ટેટ બેંક ઓફ મૈસૂરમાં આશરે 1.5 કરોડ રુપિયાની લેવડ-દેવડના મામલામાં પક્ડ્યા છે. તમને જણાવી દઇએ કે નોટબંધીના નિર્ણય બાદ મોટી સંખ્યામાં કાળાનાણુ પકડાઇ રહ્યુ છે.
મંગળવારે જ ઠાણે ઉલ્લાસનગરમાં આવકવેરા વિભસગની ટીમે પોણા દસ લાખ રુપિયાની રકમ જપ્ત કરી છે. આમાં કેટલીક રકમ નવી નોટોમાં અને બાકીની જૂની નોટોમાં છે.