કર્ણાટકમાં ધોરણ 9 થી 12 ની શાળાઓ 23 ઓગસ્ટથી શરૂ થશે, ગાઈડલાઈન જારી કરાઈ

કોરોના વાયરસની બીજી લહેર નિયંત્રણમાં આવ્યા પછી હવે દેશભરમાં શાળાઓ ફરીથી ખોલવાની પ્રક્રિયા શરૂ થઈ છે. સોમવારે કર્ણાટક સરકારે ધોરણ 9 અને 12 માટે વર્ગ શરૂ કરવા માટે માર્ગદર્શિકા જારી કરી છે. રાજ્યના જાહેર સૂચના વિભાગે જણાવ્યું કે, જ્યાં પોઝીટિવીટી રેટ 2 ટકાથી ઓછો છે ત્યાં 23 ઓગસ્ટથી સરકારી, બિનસરકારી અને માન્ય શાળાઓ અડધા દિવસ માટે ચાલુ રાખી શકાશે. જો કે વિભાગે એમ પણ કહ્યું હતું કે 1 થી 8 વર્ગો માટે શાળા ખોલવાનો નિર્ણય બાદમાં લેવામાં આવશે.

નોંધપાત્ર બાબત એ છે કે કોરોનાની બીજી લહેરને કાબુમાં લેવા માટે કર્ણાટક સરકારે કડક નિયંત્રણો લાદીને શાળાઓ બંધ કરવાનો આદેશ જારી કર્યો હતો. કોવિડ કેસોમાં ઘટાડો થયા બાદ પરિસ્થિતિ સામાન્ય થઈ રહી છે. આ સ્થિતિમાં શાળાઓ ફરીથી ખોલવાનો નિર્ણય લેવામાં આવ્યો છે. માર્ગદર્શિકા બહાર પાડતી વખતે જાહેર સૂચના વિભાગે કહ્યું કે રાજ્યમાં 23 ઓગસ્ટથી શાળાઓ ખોલવામાં આવશે.

માર્ગદર્શિકા અનુસાર, શાળાઓ અઠવાડિયામાં છ દિવસ સવારે 10 થી 1.30 અને શનિવારે સવારે 10 થી 12.50 સુધી ખોલવાની મંજૂરી આપવામાં આવી છે. ધોરણ 1 થી 8 ના વિદ્યાર્થીઓ માટે પહેલાની જેમ જ ઓનલાઈન વર્ગો ચાલુ રહેશે. આ સિવાય જે જિલ્લાઓમાં કોરોનાનો પોઝિટિવિટી રેટ 2 ટકાથી વધુ છે ત્યાં વૈકલ્પિક રીતે વર્ગો ચલાવવા માટે સૂચના આપવામાં આવી છે. શાળામાં સામાજિક અંતરને અનુસરવા માટે શિક્ષકો સહિત 15-20 વિદ્યાર્થીઓને જ એક વર્ગમાં હાજર રહેવાની મંજૂરી છે, શિક્ષકોની સંખ્યાની ઉપલબ્ધતા અનુસાર વિદ્યાર્થીઓનું જૂથ બનાવીને વર્ગો ચલાવવાના રહેશે.

English summary

Schools for standard 9 to 12 students in Karnataka to start from August 23, guideline issued