For Quick Alerts
ALLOW NOTIFICATIONS  
For Daily Alerts
Oneindia App Download

PM પદ માટે સુષ્મા સ્વરાજ શિવસેનાની પ્રથમ પસંદગી

By Kumar Dushyant
|
Google Oneindia Gujarati News

sushma-swaraj
નવી દિલ્હી, 29 જાન્યુઆરી: ભાજપમાં વડાપ્રધાન પદના ઉમેદવાર માટે સ્પર્ધા સતત વધતી જતી જોવા મળે છે. ભાજપના વરિષ્ઠ નેતા યશવંત સિંહાએ સોમવારે કહ્યું હતું કે ભાજપે નરેન્દ્ર મોદીને પીએમ પદના ઉમેદવાર જાહેર કરી દેવા જોઇએ, પરંતુ તેમની ઉમેદવારીને લઇને ભાજપ અને એનડીએમાં ખેંચતાણ ચાલુ છે.

આ મુદ્દે ભાજપના લોકસભાના વિપક્ષ નેતા સુષ્મા સ્વરાજે કહ્યું હતું કે હજુ સુધી આ મુદ્દે નક્કી કરવાનું બાકી છે કે ચુંટણી પહેલાં વડાપ્રધાન પદના ઉમેદવાર જાહેર કરવામાં આવે કે નહી, તો બીજી તરફ રામ જેઠમલાણીનું કહેવું છે કે નરેન્દ્ર મોદી સો ટકા સેક્યુલર છે અને તેમને વડાપ્રધાન પદના ઉમેદવાર જાહેર કરવા જોઇએ.

નરેન્દ્ર મોદીના નામ પર એનડીએમાં પણ એકમત નથી, જ્યાં એનડીએના સહયોગી શિવસેનાનું કહેવું છે કે સુષ્મા સ્વરાજ વડાપ્રધાન માટે તેમની પાર્ટીની પ્રથમ પસંદગી હશે, તો બીજી તરફ જેડીયૂનું કહેવું છે કે કોઇપણ ભોગે તેમને નરેન્દ્ર મોદી કબૂલ નથી.

નરેન્દ્ર મોદીની ઉમેદવારી નકારી કાઢતાં શિવસેના નેતા સંજય રાઉતે કહ્યું હતું કે 'બાલા સાહેબ ઠાકરેએ સુષ્મા સ્વરાજને વડાપ્રધાન તરીકે પ્રથમ પસંદગી ગણાવી હતી. પાર્ટી બાલા સાહેબના નિવેદન પર આજે પણ યથાવત છે.

જેડીયૂ નેતા નીરજ કુમારે નરેન્દ્ર મોદીનો વિરોધ કરતાં કહ્યું હતું કે ' જે નેતાની સાથે મળીને અમે ગુજરાતમાં ચુંટણી લડતા નથી તે નેતા સાથે અમે દેશમાં ચુંટણી કેવી રીતે લડી શકીશું. આ નિર્ણય ભાજપે કરવાનો છે કે તે કોણે વડાપ્રધાન પદના ઉમેદવાર બનાવશે.

English summary
The Shiv Sena on Tuesday voiced its support for Sushma Swaraj as NDA's prime ministerial candidate, a day after Yashwant Sinha backed Narendra Modi for it.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X