UP News: સીએમ યોગીએ બધા પોલીસ સ્ટેશનમાં સીસીટીવી લગાવવાના આપ્યા નિર્દેશ, કહ્યુ - મહિલાઓ, વૃદ્ધોની સમસ્યાઓ..
Yogi Adityanath: ઉત્તર પ્રદેશના મુખ્યમંત્રી યોગી આદિત્યનાથે પોતાના સરકારી નિવાસસ્થાને કરેલી બેઠકમાં સેફ સિટી પરિયોજનાના કાર્યોની સમીક્ષા કરી અને તેના વિસ્તારની કાર્યયોજનાઓનુ અવલોકન કર્યુ.
આ પ્રસંગે સીએમ યોગીએ મ્યુનિસિપલ કોર્પોરેશન હેડક્વાર્ટર અને ગૌતમ બુદ્ધ નગરને સેફ સિટી તરીકે વિકસાવવાની સૂચના આપી. વળી, પોલીસ સ્ટેશનોની કામગીરી પણ બદલવાના આદેશ આપતાં સીએમ યોગીએ કહ્યું હતું કે લોકોની સમસ્યાઓ સાંભળવી અને તેનું નિરાકરણ કરવામાં આવે.
યુપીના મુખ્યમંત્રી યોગી આદિત્યનાથે સેફ સિટીના પ્રોજેક્ટને લઈને ગૃહ વિભાગના તમામ અધિકારીઓ સાથે સમીક્ષા બેઠક યોજી અને કહ્યું કે રાજ્યના તમામ પોલીસ સ્ટેશનોમાં CCTV કેમેરા લગાવવામાં આવે. આ અંગે 'સ્ટાન્ડર્ડ ઓપરેટિંગ પ્રોસિજર' તૈયાર કરવામાં આવે. જ્યાં જાહેર સુનાવણી થાય છે તેવા પોલીસ સ્ટેશનોમાં કેમેરા લગાવવા. બધા કેમેરા સારી ગુણવત્તાના હોવા જોઈએ.
મુખ્યમંત્રી યોગી આદિત્યનાથે કહ્યું કે, દર મહિને એક વખત જિલ્લા સ્તરે મહિલાઓ, બાળકો, વૃદ્ધો અને દિવ્યાંગો માટે વિશેષ કાર્યક્રમો યોજવામાં આવે, જ્યાં તેમની સમસ્યાઓ સાંભળવામાં આવે અને તેનું યોગ્ય રીતે નિરાકરણ કરવામાં આવે. સફળ મહિલાઓ, બાળકો, વૃદ્ધો, અપંગોને ઓળખીને તેમને રોલ મોડેલ તરીકે રજૂ કરો. આ પ્રયાસ અન્ય લોકોને પણ આગળ વધવાની પ્રેરણા આપશે.
સીએમ યોગીએ વધમાં કહ્યું કે આગામી ત્રણ મહિનામાં ઉત્તર પ્રદેશ 18 સુરક્ષિત શહેર ધરાવતું દેશનું પ્રથમ રાજ્ય બનશે. પ્રથમ તબક્કામાં રાજ્યની તમામ 17 મ્યુનિસિપલ કોર્પોરેશન અને ગૌતમ બુદ્ધ નગરને 'સેફ સિટી' તરીકે વિકસાવવાની સૂચના આપવામાં આવી છે. પ્રથમ તબક્કાનું કામ આગામી ત્રણ મહિનામાં પૂર્ણ કરવામાં આવે. સેફ સિટી પ્રોજેક્ટ મહિલાઓની સુરક્ષા પર ધ્યાન કેન્દ્રિત કરે છે. આ એક્સટેન્શન આપતાં તેને વૃદ્ધો, બાળકો અને વિકલાંગોની સુરક્ષા સાથે પણ જોડવું જોઈએ.
Click it and Unblock the Notifications
Sign in with Google
