વાઢેરાની ક્લીન ચિટના મુદ્દે ખેમકાને શક

ચંદીગઢ, 26 ઑક્ટોબર: યૂપીએ સુપ્રિમો સોનિયા ગાંધી અને તેમના જમાઇ રોબર્ટ વાઢેરાને ચારેય જિલ્લાની ડીસી રિપોર્ટમાં ક્લીન ચીટ આપવામાં આવી છે. આ રિપોર્ટમાં સ્પષ્ટતા કરવામાં આવી છે કે હરિયાણાના ચાર શહેરો ગુડગાંવ, ફરીદાબાદ, પલવલ, અને મેવાતમાં વાઢેરાને જમીન વેચવામાં આવી છે જેમાં કોઇપણ પ્રકારની બેદરકારી દાખવવામાં આવી નથી અને વાઢેરાએ સ્ટેમ્પ ડ્યૂટીનું પાલન કરતાં બધા જ પૈસા ચૂક્યા છે.

આ મુદ્દે અશોક ખેમકાએ કેટલાક વાંધા ઉઠાવ્યા હતા. અશોક ખેમકાએ કહ્યું છે કે રિપોર્ટ સંપૂર્ણ રીતે સાચો નથી. બળજબરી પૂર્વક વાઢેરાને બચાવવામાં આવી રહ્યાં છે. અત્રે ઉલ્લેખનીય છે કે અશોક ખેમકા તે જ અધિકારી છે જેમને વાઢેરાની વિરૂદ્ધ તપાસના આદેશ આપ્યાં છે. તપાસના આદેશ બાદ તાત્કાલિક તેમની બદલી કરવામાં આવી હતી. ત્યારબાદ અશોક ખેમકાએ કહ્યું હતું કે વાઢેરાની વિરૂદ્ધ પગલાં ભરવાના કારણે સજા મળી છે.

ઉલ્લેખનીય છે કે અશોક ખેમકાને શક છે કે વર્ષ 2005માં વાઢેરાએ હરિયાણામાં જમીન ખરીદી છે તેની સ્ટેમ્પ ડ્યૂટી ભરી નથી. તેમને ડીએલએફ અને હરિયાણા સરકાર વચ્ચેની ડીલમાં કમીશન ખાધું છે.

English summary

Robert Vadra gets clean chit in Haryana land deals, Ashok Khemka Unhappy.