બોક્સર વિજેન્દરને મળી રાહત, ડોપ ટેસ્ટ નેગેટિવ

નવી દિલ્હી, 16 એપ્રિલ: ડ્રગ્સ લેવાના આરોપી ભારતના જાણીતા બોક્સર વિજેન્દર સિંહને મોટી રાહત મળી છે. વિજેન્દરનો ડોપ ટેસ્ટ નેગેટિવ આવ્યો છે. નાડાએ બોક્સર વિજેન્દરનો યૂરિન અને બ્લડ સેમ્પલ લીધું હતું. વિજેન્દરે મુક્કેબાજ દોસ્ત રામસિંહ પણ આ કેસમાં આરોપી છે. વિજેન્દર પર હેરોઇન લેવાના આરોપ છે.

નોંધનીય છે કે પંજાબ પોલીસે મોહાલીના જિરકબૂર વિસ્તારથી એનઆરઆઇ અનૂપસિંહ કાહલોના ઘરમાં રેડ પાડીને 26 કિલો હેરોઇન જપ્ત કરી હતી. હેરોઇનની કિંમત આંતરરાષ્ટ્રીય બજારમાં 130 કરોડ રૂપિયા આંકવામાં આવી હતી.

આ પહેલાના ઘટનાક્રમમાં પંજાબ પોલીસે જણાવ્યું કે ડિસેમ્બર 2012થી લઇને ફેબ્રુઆરી 2013 સુધી વિજેન્દરે 12 અને તેમના સહયોગી રામસિંહે 5 વાર ડ્રગ્સનું સેવન કર્યું હતું.

વિજેન્દર અંગે પોલીસે જણાવ્યું હતું કે તપાસમાં સામે આવ્યું છે કે વિજેન્દર અને રામસિંહે કેનેડામાં રહેનાર તસ્કર અનૂપસિંહ કાહલો અને રોકી પાસે ડ્રગ્સ લીધું અને ડિસેમ્બર 2012થી લઇને ફેબ્રુઆરી 2013 સુધી વિજેન્દરે 12 વખત તેમના સાથી સહયોગી રામસિંહે 5 વખત ડ્રગ્સનું સેવન કર્યું હતું.

English summary

Boxer Vijender Singh didn't consume heroin, suggests NADA report.