આગામી 48 કલાક દરમિયાન આ રાજ્યોમાં પડશે વરસાદ, આ છે આખુ લિસ્ટ
સ્કાઈમેટ અનુસાર જમ્મુ કાશ્મીર, હિમાચલ પ્રદેશ અને ઉત્તરાખંડમાં 4 જુલાઈથી વરસાદ શરૂ થશે અને 7 જુલાઈ સુધી વરસાદ ચાલુ રહેશે.
એક તરફ મુંબઈ જ્યાં વરસાદથી બેહાલ થઈ રહ્યા છે ત્યાં બીજી તરફ દેશના ઘણા રાજ્ય વરસાદ માટે તરસી રહ્યા છે અને અહીં લોકો ગરમીથી ત્રસ્ત છે. સ્કાઈમેટ અનુસાર જમ્મુ કાશ્મીર, હિમાચલ પ્રદેશ અને ઉત્તરાખંડમાં 4 જુલાઈથી વરસાદ શરૂ થશે અને 7 જુલાઈ સુધી વરસાદ ચાલુ રહેશે.
મધ્ય પ્રદેશ અને ગુજરાતના ઘણા વિસ્તારોમાં સતત વરસાદ થઈ શકે છે
ભારતીય હવામાન વિભાગે કહ્યુ કે સાત જુલાઈ સુધી મુંબઈ, ઓડિશા, મધ્ય પ્રદેશ અને ગુજરાતના ઘણા વિસ્તારોમાં સતત વરસાદ થઈ શકે છે. હવામાન વિભાગે કહ્યુ છે કે મોનસુન દ્વારકા, અમદાવાદ, ભોપાલ, જબલપુર, પેંડ્રા, સુલતાનપુર, લખીમપુર ખેરી, મુક્તેશ્વરની ઉપર થીને ઉત્તરની તરફ આગળ વધી રહ્યુ છે. આગામી 48 કલાકમાં આના વધુ સઘન થવાની આશા છે.
પંજાબ અને હરિયાણામાં આ દિવસે થઈ શકે છે વરસાદ
સ્કાઈમેટ અનુસાર 5 જુલાઈના રોજ પંજાબ અને હરિયાણામાં અમુક જગ્યાએ અને દિલ્લી અને ઉત્તરી રાજસ્થાનમાં એ-બે સ્થળોએ ગાજવીજ સાથે વરસાદ થવાના અણસાર છે. આ ભાગોમાં 7 જુલાઈ સુધી અહીં હવામાન યથાવત રહેશે.
ચેન્નઈમાં વધી રહ્યુ છે જળ સંકટ
સ્કાઈમેટ અનુસાર ચેન્નઈમાં લાંબા સમય સમયથી વરસાદ થયો નથી જેના કારણે અહીં જળ સંકટ મંડરાઈ રહ્યુ છે કારણકે જળાશયોમાં ક્ષમતાના મુકાબલે બહુ ઓછુ પાણી બચ્યુ છે. જુલાઈના પહેલા સપ્તાહમાં ચેન્નઈમાં સૂકુ હવામાન વધુ સમય રહેશે જેનાથી પરિસ્થતિ વધુ વિકટ થઈ શકે છે. આંકડાઓની વાત કરીએ તો દિલ્લીમાં સામાન્યતઃ 27 જૂન સુધી 47.2 ટકા વરસાદ થાય છે પરંતુ આ વર્ષે માત્ર 6.3 ટકા વરસાદ થયો છે જે સામાન્યથી 87 ટકા ઓછો છે.
અહીં પડી શકે છે વરસાદ
આગામી અમુક કલાકોમાં મેઘાલય અને અસમમાં ભારે વરસાદના સંકેત છે. બિહાર અને પૂર્વી ઉત્તર પ્રદેશમાં 3 જુલાઈના રોજ એક-બે સ્થળો પર હળવો વરસાદ થઈ શકે છે જ્યારે ઝારખંડ અને પશ્ચિમ બંગાળમાં સારા વરસાદના અણસાર છે.
Click it and Unblock the Notifications
Sign in with Google
