West Bengal elction: કોંગ્રેસે સીટ શેરીંગ માટે બનાવી કમિટી, અધીર રંજન હશે અધ્યક્ષ

પશ્ચિમ બંગાળમાં આ વર્ષે વિધાનસભા ચૂંટણી 2021 યોજાવા જઇ રહી છે અને રાજકીય પક્ષો વચ્ચે જોડાણ માટે પ્રયાસો શરૂ થઈ ગયા છે. પશ્ચિમ બંગાળમાં કોંગ્રેસ અને ડાબેરી પક્ષો મળીને આ વખતે વિધાનસભાની ચૂંટણી લડશે. રાજ્યની બેઠકની વહેંચણી માટે આજે કોંગ્રેસે પશ્ચિમ બંગાળના કોંગ્રેસ અધ્યક્ષ અધિર રંજન ચૌધરીની અધ્યક્ષતામાં ચાર સભ્યોની સમિતિની રચના કરી છે. જે આગામી ચૂંટણીમાં સીટ વહેંચણી અને અન્ય પાસાઓ નક્કી કરશે.

પશ્ચિમ બંગાળ વિધાનસભાની ચૂંટણીમાં બેઠક વહેંચણી અને સંયુક્ત કાર્યક્રમો અંગે ડાબેરી પક્ષો સાથે વાટાઘાટો કરવા કોંગ્રેસે પશ્ચિમ બંગાળના કોંગ્રેસ અધ્યક્ષ અધિર રંજન ચૌધરીની અધ્યક્ષતામાં--સભ્યોની સમિતિની રચના કરી છે. કોંગ્રેસની આ ચાર સભ્યોની કમિટીમાં અધિર રંજન ચૌધરી ઉપરાંત અબ્દુલ મન્નાન, પ્રદીપ ભટ્ટાચાર્ય અને નેપાળ મહતોનો સમાવેશ થાય છે.

પશ્ચિમ બંગાળ કોંગ્રેસ અધ્યક્ષ અધિર રંજન ચૌધરીએ કહ્યું હતું કે બંગાળમાં મમતા બેનર્જી અને ભાજપ બંનેને રોકવા માટે ડાબેરી અને કોંગ્રેસ વચ્ચે જોડાણ હોવું જોઈએ. ગયા મહિને અધિર રંજન ચૌધરીએ માહિતી આપી હતી કે પશ્ચિમ બંગાળ વિધાનસભાની ચૂંટણીમાં ડાબેરીઓ સાથે જોડાણ કરવાની હાઈકમાન્ડે મંજૂરી આપી દીધી છે.

2016 માં ડાબેરીઓ અને કોંગ્રેસે મળીને વિધાનસભાની ચૂંટણી લડી હતી. ગત ચૂંટણીમાં સીપીઆઇ-એમએ 148 બેઠકો પર લડ્યુ હતુ અને 26 પર વિજય મેળવ્યો હતો. કોંગ્રેસ 92 લડ્યુ હતુ, પરંતુ 44 જીતી હતી, અને કોંગ્રેસનો રાજ્યમાં તેના ભાગીદાર કરતાં સ્ટ્રાઇક રેટ વધુ સારો હતો. જો કે, 2019 ની લોકસભાની ચૂંટણીમાં ઘણા પ્રયત્નો છતાં બંને પક્ષો વચ્ચે જોડાણ થઈ શક્યું નથી. આવતા વર્ષે પશ્ચિમ બંગાળમાં વિધાનસભાની ચૂંટણી યોજાવાની છે. ભાજપ રાજ્યમાંથી મમતા સરકારને હટાવવા માટે તમામ શક્ય પ્રયાસો કરી રહ્યું છે. ભાજપે પણ ઘણા મોટા ટીએમસી નેતાઓને તેની પાર્ટીમાં શામેલ કર્યા છે.

આ પણ વાંચો: જૂનાગઢ: કિસાન આંદોલનમાં શહીદ થયેલા ખેડૂતોને વંથલી ખાતે શ્રધ્ધાંજલિ અપાઇ

English summary

West Bengal elction: Congress formed committee for seat sharing, Adhir Ranjan will be the chairman