Whatsapp features update : WhatsApp પર આવી રહ્યું છે શાનદાર ફીચર, ઓનલાઈન પેમેન્ટ થઈ જશે એકદમ સરળ
Whatsapp features update : WhatsApp તેના યુઝર્સ માટે સતત નવા ફીચર લાવી રહ્યું છે. હવે WhatsApp તેના પેમેન્ટ ઓપ્શનને વધુ સરળ અને ઝડપી બનાવવા માટે UPI લાઇટ સર્વિસ શરૂ કરવા જઈ રહ્યું છે.
અહેવાલો અનુસાર, WhatsAppના લેટેસ્ટ બીટા વર્ઝન 2.25.5.17માં UPI લાઇટ સર્વિસનો કોડ જોવા મળ્યો છે. આ ફીચર દ્વારા યુઝર્સ તેમના WhatsApp ને વોલેટ તરીકે ઉપયોગ કરી શકશે, જેમાં પૈસા જમા કરી શકે છે અને પેમેન્ટ પણ કરી શકે છે.
પિન વિના થશે નાની રકમની પેમેન્ટ
UPI લાઇટ વિકલ્પ નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા ઉપલબ્ધ કરાવવામાં આવ્યો છે. આ સુવિધાથી વપરાશકર્તાઓ 500 રૂપિયા સુધીની રકમ માટે પિન દાખલ કર્યા વગર પેમેન્ટ કરી શકે છે.
વપરાશકર્તાઓ ઇન્ટરનેટ વિના પણ પેમેન્ટ કરી શકશે, જે ખાસ કરીને લો નેટવર્ક વિસ્તારો માટે ખૂબ જ ફાયદાકારક સાબિત થઈ શકે છે.
WhatsApp પેમેન્ટમાં નવા વિકલ્પો
WhatsApp પર પહેલાથી UPI પેમેન્ટ ઉપલબ્ધ છે. હવે મોબાઇલ રિચાર્જ, લાઇટ બિલ, પાણી બિલ, ગેસ બિલ, લેન્ડલાઇન બિલ અને ભાડા પેમેન્ટ જેવા વિકલ્પો પણ ઉમેરાશે. આ નવા ફીચરની શરૂઆતમાં બીટા ટેસ્ટિંગ કરવામાં આવશે અને ત્યારબાદ તે સ્ટેબલ વર્ઝનમાં રોલઆઉટ થશે.
WhatsApp યુઝર્સ માટે આ ફીચર કેટલું ઉપયોગી?
WhatsAppનું નવું UPI લાઇટ ફીચર ચુકવણી પ્રક્રિયાને વધુ સરળ અને ઝડપી બનાવશે. યુઝર્સ માટે નાનું પેમેન્ટ વધુ સરળ થશે. આ નવી સુવિધા ટૂંક સમયમાં બધા વપરાશકર્તાઓ માટે ઉપલબ્ધ થવાની શક્યતા છે.
Click it and Unblock the Notifications
Sign in with Google
