મુંબઇ ગેંગરેપના આરોપીઓ પર કોર્ટમાં ફેંકાયા ઇંડા!
મુંબઇ, 30 ઑગસ્ટ : મુંબઇ ગેંગરેપના આરોપીઓ સામેનો ગુસ્સો શાંત થતો નથી દેખાઇ રહ્યો. આજે કોર્ટમાં આ આરોપીઓની હાજરી દરમિયાન મહિલા પ્રદર્શન કારીઓએ તેમની પર ઇંડાનો વરસાદ કર્યો. આરોપીઓની આજે કિલ્લા કોર્ટમાં હાજરી હતી, દરમિયાન આ ઘટના ઘટવા પામી હતી.
મહિલાઓએ તેમની સામે જોરદાર સૂત્રોચ્ચાર કર્યા અને સખતમાં સખત સજા ફટકારવાની માંગ કરી. આ મહિલાઓ કોર્ટની બહાર ગેંગરેપના આરોપીઓનો વિરોધ કરવા માટે પોસ્ટરો લઇને ખડેપગે સૂત્રોચ્ચાર કરી રહી હતી.
આ ઉપરાંત પોલીસે આ પહેલા પણ એક આરોપી સલીમ અંસારી પાસેથી એક ફોન કબ્જે લીધો હતો, જેનાથી તેણે ગેંગરેપ દરમિયાન તસવીરો પણ લીધી હતી. બાદમાં તેણે આ તસવીરોને ડિલીટ કરી દીધી હતી. પોલીસ હવે ફોરેંસિક એક્સપર્ટની મદદથી તસવીરો પરત લાવવાનો પ્રયત્ન કરી રહી છે.
Click it and Unblock the Notifications
Sign in with Google
