Video: CM યોગી આદિત્યનાથે કહ્યુ - અમે યુપીને રમખાણમુક્ત બનાવ્યુ, હવે કાયદાનુ રાજ...

ઉત્તર પ્રદેશના સીએમ યોગી આદિત્યનાથ માફિયાઓ પર તેમના કડક વલણ માટે જાણીતા છે. અસદ એન્કાઉન્ટર અને અતીક-અશરફ હત્યાકાંડ પછી, સીએમ યોગીએ પોતાનું કડક વલણ બતાવ્યું અને કહ્યું કે હવે માફિયા કોઈને ધમકી આપી શકશે નહીં, યુપીમાં હવે કાયદાનુ શાસન છે.

સીએમ યોગીએ કહ્યુ કે 2012થી 2017 વચ્ચે ઉત્તર પ્રદેશમાં 700થી વધુ રમખાણો થયા. 2007થી 2012 વચ્ચે યુપીમાં 364 રમખાણો થયા. પરંતુ 2017થી અત્યાર સુધી યુપીમાં એક પણ રમખાણ નથી થયુ. ક્યારેય કર્ફ્યુ નથી લાગ્યો.

યોગી આદિત્યનાથે આગળ કહ્યુ કે હવે કોઈ પ્રોફેશનલ ગુનેગાર કે માફિયા કોઈને ડરાવી શકશે નહીં. ઉત્તર પ્રદેશ આજે તમને શ્રેષ્ઠ કાયદો અને વ્યવસ્થાની ખાતરી આપે છે. 2017 પહેલા યુપી રમખાણો માટે જાણીતુ હતુ. દર બીજા દિવસે હુલ્લડો થતા.

આજે યુપીના કોઈના નામથી કોઈએ ડરવાનુ જરુર નથી. જે લોકો યુપી માટે સંકટ હતા, આજે તેઓ પોતે જ સંકટમાં છે. આજે કોઈ ગુનેગાર વેપારીને ધમકી આપી શકે નહીં. ઉત્તર પ્રદેશ સરકાર તમારા તમામ રોકાણકારોની મૂડી સુરક્ષિત રાખવામાં સક્ષમ છે.

સીએમ યોગીએ કહ્યું કે પહેલા એવુ કહેવામાં આવતુ હતુ કે જ્યાંથી અંધકાર શરૂ થાય છે ત્યાંથી ઉત્તર પ્રદેશ શરૂ થાય છે. 75માંથી 71 જિલ્લાઓ અંધારામાં હતા. આજે તે અંધકાર દૂર થઈ ગયો છે. આજે યુપીના ગામડાઓમાં સ્ટ્રીટ લાઇટ ઝગમગી રહી છે.

ગેંગસ્ટર અતીક અહેમદ અને તેના ભાઈ અશરફની હત્યા બાદ યુપીના સીએમ યોગી આદિત્યનાથે કહ્યુ કે હવે યુપીમાં કાયદાનુ શાસન છે. પહેલા યુપીમાં રોજ તોફાનો થતા હતા. અમારી સરકારે યુપીને રમખાણ મુક્ત બનાવ્યુ છે.

સીએમ યોગીએ મંગળવારે પીએમ મેગા ઈન્ટીગ્રેટેડ ટેક્સટાઈલ એન્ડ એપેરલ (પીએમ મિત્ર) યોજના હેઠળ લખનઉ-હરદોઈમાં એક હજાર એકર પહોળા ટેક્સટાઈલ પાર્કની સ્થાપના અંગે લોક ભવનમાં આયોજિત એમઓયુના કાર્યક્રમને સંબોધિત કર્યો હતો. આ દરમિયાન કેન્દ્રીય વાણિજ્ય, ઉદ્યોગ અને કાપડ મંત્રી પીયૂષ ગોયલ અને કેન્દ્રીય કાપડ રાજ્ય મંત્રી વિક્રમ જરદોશ હાજર રહ્યા હતા.

યોગીએ કહ્યુ કે યુપી જેવુ કૃષિ રાજ્ય જ્યાં મોટી વસ્તી તેની આજીવિકા માટે ખેતી પર નિર્ભર છે. જો રોજગારના દૃષ્ટિકોણથી જોઈએ તો કાપડ ઉદ્યોગ સૌથી વધુ રોજગારી પેદા કરતું ક્ષેત્ર છે. યુપીમાં કાપડ ઉદ્યોગની સમૃદ્ધ પરંપરા છે. અહીંની હેન્ડલૂમ, પાવરલૂમ, વારાણસી અને આઝમગઢની સિલ્કની સાડીઓ, ભદોહીની કાર્પેટ, લખનૌની ચિકંકારી અને સહારનપુરની હસ્તકલા તમામ વિશ્વ વિખ્યાત છે. તેમણે કહ્યું કે કાનપુર એક સમયે કાપડ ઉદ્યોગનું કેન્દ્ર હતું, તેની ગણતરી 4-5 મેટ્રોપોલિટન શહેરોમાં થતી હતી.

યુપી તેના ઔદ્યોગિકીકરણ માટે જ નહીં પરંતુ શહેરી આયોજનના દૃષ્ટિકોણથી પણ દેશનું એક મહત્વપૂર્ણ રાજ્ય માનવામાં આવતું હતું. પરંતુ એક સમય એવો પણ આવ્યો જેમાં યુપીની આ ઓળખ સંપૂર્ણપણે નાશ પામી. હેન્ડલૂમ અને પાવરલૂમ માટે યોગ્ય પ્રોત્સાહનના અભાવે તેઓ પણ મૃત્યુ પામવા લાગ્યા. છેલ્લા 9 વર્ષમાં વડાપ્રધાન નરેન્દ્ર મોદીના નેતૃત્વમાં ભારતે જે પ્રગતિ કરી છે તેના લગભગ 6 વર્ષમાં સૌથી વધુ લાભ યુપીને મળ્યો છે.

તેમણે કહ્યું કે પીએમ મિત્ર યોજના હેઠળ સ્થપાયેલા ટેક્સટાઈલ પાર્ક અંગે હસ્તાક્ષર કરાયેલ આ એમઓયુ કાર્યક્રમ ભારત સરકાર અને રાજ્ય સરકાર વચ્ચેનો પ્રથમ કાર્યક્રમ છે. શ્રેષ્ઠ કનેક્ટિવિટી વચ્ચે અહીં રસ દાખવનારા રોકાણકારોએ જોયું જ હશે કે તેઓ એરપોર્ટથી અડધા કલાકમાં તેમના ગંતવ્ય સ્થાને પહોંચી શકે છે. ફોર લેન કનેક્ટિવિટી અહીં પહેલેથી જ છે, જ્યાં કનેક્ટિવિટી નથી, અમે તેને ટૂંક સમયમાં ઉપલબ્ધ કરાવીશું.

તમને જણાવી દઈએ કે 15 એપ્રિલે ઉમેશ પાલ હત્યા કેસના આરોપી અતીક અહેમદ અને અશરફને ત્રણ હુમલાખોરોએ ગોળી મારીને હત્યા કરી દીધી હતી. વળી, ઉત્તર પ્રદેશની એસટીએફે ઝાંસીમાં અતીક અહેમદના પુત્ર અસદ અહેમદનુ એન્કાઉન્ટર કર્યુ હતુ.

Uttar Pradesh CM Yogi Adityanath said, "Before 2017, law and order in Uttar Pradesh was bad and the state was infamous for riots. Earlier there was a crisis for the identity of the state, today the state is becoming a crisis for them (criminals and mafias)" pic.twitter.com/ltw7CkBzXR

— ANI (@ANI) April 18, 2023

English summary

Yogi Adityanath explains the situation of low and order in Uttar Pradesh