રાજકોટમાં તૈયાર થઇ રહી છે ચાર GIDC, ડિસ્ટ્રિક્ટ કલેક્ટરે આપી જાણકારી
Rajkot News: રાજકોટ જિલ્લા કલેક્ટે આજે મીડિયાને માહિતી આપી હતી કે, રાજકોટ જિલ્લામાં ચાર નવા GIDC વિસ્તારો (ગુજરાત ઔદ્યોગિક વિકાસ નિગમ સંચાલિત ઔદ્યોગિક ટાઉનશીપ) પીપરડી (100 હેક્ટર), મખાવડ (14 હેક્ટર), કોટડા સાંગાણી (120 હેક્ટર) અને બામણબોર (59 હેક્ટર) ખાતે હશે. માળાવડ અને બામણબોર જીઆઈડીસી માટેની અંતિમ દરખાસ્તો પૈકી મામલતદારો પાસેથી મંગાવવામાં આવી છે.
રાજકોટમાં પહેલેથી જ શાપર GIDC અને મેટોડા GIDC જેવી ધરાવે છે. આ ઉપરાંત બીજી અનેક જીઆઇડીસી રાજકોટના ઔદ્યોગિક વિકાસ માટે વિકસાવવામાં આવી રહી છે.
રાજકોટ જિલ્લા કલેક્ટર પ્રભાવ જોશીના જણાવ્યા અનુસાર, રાજકોટમાં નવી 4 GIDC બનશે. જેમાં પીપરડીમાં 100 હેક્ટર, માખાવડમાં 14 હેકટર, કોટડામાં 122 હેકટર, બામણબોરમાં 59 હેકટર જમીનમાં GIDC આકાર લેશે. મખાવડ અને બામણબોરમાં GIDC માટે ડેપ્યુટી કલેક્ટરનો અભિપ્રાય આવી ગયો છે. બાકીની બે GIDC માં અભિપ્રાય બાકી છે.
અત્રે ઉલ્લેખનીય બાબત છે કે, રાજકોટમાં બની રહેલી આ નવી ચાર GIDC આકાર લેશે. રાજકોટના ઔદ્યોગિક વિકાસને વેગ મળશે. હાલ ચારેય ઔદ્યોગિક વાસહતોને લઈને કલેક્ટર તંત્ર દ્વારા જમીન ફાળવણી માટેની પ્રક્રિયા ચલાવવામાં આવી રહી છે. જે પ્રક્રિયા પૂર્ણ થયે GIDCને જમીન ફાળવવામાં આવશે. જે બાદ GIDC ચારેય નિયત સ્થળોએ સુવિધાઓ વિકસાવી પ્લોટિંગ પાડીને ઉદ્યોગોને જમીન વેચી ઔદ્યોગિક વસાહત સ્થાપશે.
ખંઢેરી નજીક સૌરાષ્ટ્ર ક્રિકેટ એસોસીએશનનું નિરંજન શાહ ક્રિકેટ સ્ટેડિયમ આવેલું છે. જેની સામેની બાજુએ જે સરકારી જમીન છે, તેને સૌરાષ્ટ્ર ક્રિકેટ એસોસીએશનને ફાળવવા માટે કલેક્ટર તંત્રને ભૂતકાળમાં દરખાસ્ત મળી હતી. આ દરખાસ્ત કલેક્ટર તંત્રે સરકારમાં મોકલી હતી. જે પ્રકરણ હાલ સરકાર કક્ષાએ પેન્ડિંગ હોવાનું જિલ્લા કલેક્ટરે જણાવ્યું હતું.
Click it and Unblock the Notifications
Sign in with Google
