• search
For Quick Alerts
ALLOW NOTIFICATIONS  
For Daily Alerts

રાજકોટ બનશે ડિઝિટલ શહેર, વોટ્સએપ ચેટબોટ દ્વારા મળશે આ સેવાનો લાભ

|
Google Oneindia Gujarati News

રાજકોટ મ્યુનિસિપલ કોર્પોરેશન (RMC) એ વોટ્સએપ ચેટબોટ દ્વારા નાગરિકોને તેની 21 મહત્ત્વની સેવાઓ પૂરી પાડવાનું શરૂ કર્યું છે. RMC એ ગુજરાતની પ્રથમ નાગરિક સંસ્થા છે, જેણે આ સિસ્ટમ શરૂ કરી છે. જે આર્ટિફિશિયલ ઇન્ટેલિજન્સ દ્વારા સંચાલિત છે અને WhatsApp પ્લેટફોર્મ પર ચાલે છે, જેથી લોકોને બધું આંગળીના ટેરવે મળી રહે.

પ્રોજેક્ટ માટે RMC એ નાગરિકોનો ડેટા એકત્રિત કર્યો છે, જેમણે છેલ્લા 10 વર્ષમાં નાગરિક સંસ્થા પાસેથી કોઈપણ પ્રકારની સેવાનો લાભ લીધો હતો અને તેને તેના સર્વર પર ચાર લાખ લોકોની વિગતો મળી છે. એકવાર શહેરના મોટાભાગના લોકો તમામ સેવાઓ મેળવવાના આ ઓનલાઈન મોડનો ઉપયોગ કરવાનું શરૂ કરી દે, તો RMC નજીકના ભવિષ્યમાં નાગરિક કેન્દ્રોને નાબૂદ કરી શકે છે.

ચેટબોટ દ્વારા RMC QR કોડ સાથે જન્મ, મૃત્યુ અને લગ્ન પ્રમાણપત્રો ઓનલાઈન પ્રદાન કરે છે અને વ્યક્તિ તેને જરૂર હોય ત્યાં સોફ્ટ કોપીનો ઉપયોગ કરી શકે છે. RMCએ પણ 'Pay now' વિકલ્પ સાથે WhatsAapp પર પ્રોપર્ટી ટેક્સ બિલ મોકલવાનું શરૂ કર્યું છે.

RMCના ઇન્ફોર્મેશન ટેક્નોલોજીના ડિરેક્ટર સંજય ગોહિલે જણાવ્યું હતું કે, આ 'પે નાઉ' વિકલ્પ કરદાતાઓને સીધા જ પેમેન્ટ ગેટવે પર લઈ જશે. હાલમાં જ્યારે લોકો ઓનલાઈન ટેક્સ ભરવા જાય છે, ત્યારે તેઓએ ટેક્સ ભરતા પહેલા તેમની મિલકતની વિગતો ભરવાની હોય છે, પરંતુ આ સિસ્ટમમાં મિલકતની વિગતો આપોઆપ દેખાય છે. વ્યક્તિએ માત્ર પેમેન્ટ ગેટવે પસંદ કરવાનું હોય છે.

ચાલુ વર્ષથી RMC તમામ કરદાતાઓને ચૂકવણીની પદ્ધતિને ધ્યાનમાં લીધા વગર WhatsApp પર ચૂકવેલા પ્રોપર્ટી ટેક્સની રસીદો પણ મોકલશે. બોટ દ્વારા સેવાઓ મેળવવા માટે, નાગરિકે વોટ્સએપ નંબર સેવ કરવાનો રહેશે અને 'હાય' મેસેજ મોકલવાનો રહેશે. વ્યક્તિ અંગ્રેજી અને ગુજરાતી બંને ભાષામાં તમામ સેવાઓ મેળવી શકે છે. જો નાગરિક એ જ મોબાઈલ નંબર પરથી ચેટ કરે છે, જે RMCના ડેટાબેઝમાં સેવ છે, તો વોર્ડ નંબર સહિતની તેની/તેણીની માહિતી ચેટબોટ પર પોપ અપ થશે. વ્યક્તિ ચેટ શરૂ કર્યા બાદ સેવાઓની યાદી મેળવશે.

RMC અધિકારીઓના જણાવ્યા અનુસાર, કોઈપણ રમતગમતની પ્રવૃત્તિઓ માટે નોંધણી, RMC હોલ અને ઓડિટોરિયમ માટે બૂકિંગ પણ ચેટબોટ દ્વારા કરી શકાય છે. જો રજિસ્ટ્રેશન સમયે ઉપયોગમાં લેવાયેલા મોબાઈલ નંબર એક જ રહ્યો હોય તો અગાઉ આપવામાં આવેલા જન્મ, મૃત્યુ અને લગ્નના પ્રમાણપત્રો પણ ડાઉનલોડ કરી શકાય છે. આ સેવાની સુંદરતા એ છે કે, કોઈ થર્ડ પાર્ટી કોઈના ડેટાને એક્સેસ કરી શકતો નથી. ડેટા ફક્ત ઇચ્છિત વ્યક્તિના મોબાઇલ નંબર પર શેર કરવામાં આવશે.

આ ચેટબોટ ફરિયાદ નિવારણ સેવા પણ પ્રદાન કરે છે. કોઈપણ વ્યક્તિ ફરિયાદ નોંધાવી શકે છે, જે નિરાકરણ માટે સમયમર્યાદા સાથે આપમેળે હેતુવાળા વિભાગને મોકલવામાં આવશે. જો નિર્ધારિત સમયમાં ફરિયાદનું નિરાકરણ નહીં આવે તો, તેને મ્યુનિસિપલ કમિશનર સ્તર સુધીના વરિષ્ઠ અધિકારીઓને મોકલવામાં આવશે.

RMC અધિકારીઓ પોતાની જાતે ફરિયાદ બંધ કરી શકતા નથી અને તેમને ફરિયાદી પાસેથી એક OTPની જરૂર હોય છે, જેણે ફરિયાદનો સંતોષકારક ઉકેલ મેળવ્યા બાદ જ તેને શેર કરવાનો હોય છે.

અન્ય સેવાઓ જેવી કે પુસ્તકાલય સભ્યપદ નોંધણી, ફૂડ લાયસન્સ અરજી, કોઈપણ સરકારી યોજના માટેની અરજી અને RMCની વહીવટી અને રાજકીય સંસ્થાના નામ અને સંપર્ક વિગતો પણ આ સિસ્ટમ દ્વારા પૂરી પાડવામાં આવે છે.

English summary
Rajkot will become a digital city, get the benefit of this service through WhatsApp chatbot.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X
Desktop Bottom Promotion