Surat: સુરતમાં GST ચોરીનો રાફડો ફાટ્યો!
Surat: સુરત આવકવેરા વિભાગે ગત શુક્રવારના રોજ એક બિલ્ડર અને યાર્નના વેપારીને ત્યાં રેડ કરી હતી. આજે ચોથા દિવસે પણ તમામ સ્થળોએ સર્ચ ઓપરેશન ચાલુ છે. આવકવેરા વિભાગની તપાસ શાખા દ્વારા બિલ્ડર સુરાના ગ્રૂપ અને રાકેશ કંસલ અને કાપડ ઉદ્યોગ સાથે સંકળાયેલા અન્ય વ્યાવસાયિક જૂથો સાથે જોડાયેલા 22 સ્થળોએ હાથ ધરવામાં આવેલા સર્ચ ઓપરેશન ચોથા દિવસે પણ 10થી વધુ સ્થળોએ ચાલુ છે.
અત્યાર સુધીની તપાસમાં આઈટી વિભાગ દ્વારા તમામ જગ્યાએથી 8 કરોડ રૂપિયા રોકડા અને 20 બેંક લોકર જપ્ત કરવામાં આવ્યા છે અને કરોડો રૂપિયાના શંકાસ્પદ દસ્તાવેજો મળી આવ્યા હોવાનું જાણવા મળ્યું છે.
સુરત આવકવેરા વિભાગની DDI વિંગે શુક્રવારના રોજ સવારથી સુરત સ્થિત બિલ્ડર ગ્રુપ સુરાણા અને યાર્ન વેપારી રાકેશ કંસલ ગ્રુપના કુલ 22 કોમર્શિયલ-રહેણાંક સ્થળો પર રેડ કરવામાં આવ્યા હતા, અને સર્ચ ઓપરેશન શરૂ કર્યું હતું. ચાર દિવસથી શોધખોળ હજુ ચાલુ છે.
ત્રણ દિવસની તપાસ દરમિયાન, આવકવેરા વિભાગે બિલ્ડર, ટેક્સટાઇલ જૂથના વ્યવસાય પરિસરમાંથી 8 કરોડ રૂપિયા રોકડા અને 20 થી વધુ બેંક લોકર જપ્ત કર્યા હતા અને મોટા એકાઉન્ટિંગ દસ્તાવેજો અને ઇલેક્ટ્રોનિક ઉપકરણોના ડિજિટલ ડેટા જપ્ત કર્યા હતા, જેની વિગતો બહાર આવી છે.
આવકવેરા વિભાગે સંભાવના વ્યક્ત કરી છે કે, બે વ્યાવસાયિક જૂથોમાંથી 10-10 સ્થળોએ તપાસ પૂર્ણ કર્યા બાદ બાકીના 10 સ્થળો પર પણ એક-બે દિવસમાં સર્ચ પૂર્ણ કરવામાં આવશે. કહેવામાં આવી રહ્યું છે કે, બિલ્ડર અને ટેક્સટાઇલ ગ્રુપના બિઝનેસ પરિસરમાંથી અત્યાર સુધી કરોડોના બેનામી એકાઉન્ટિંગ ટ્રાન્ઝેક્શનના દસ્તાવેજો મળી આવ્યા છે. આવકવેરા વિભાગને દસ્તાવેજી પુરાવા મળ્યા છે કે, મોટાભાગના વ્યવહારો રોકડમાં કરવામાં આવ્યા હતા. આ સંબંધમાં વ્યાજની સાથે પેનલ્ટી પણ ભરવી પડશે.
રાકેશ કંસલના યાર્ન બિઝનેસ, રોકાણ અને મુખ્યત્વે રિયલ એસ્ટેટના સોદા સંબંધિત દસ્તાવેજોની ચકાસણી કરવામાં આવી છે. ગયા વર્ષના સોદાની ચુકવણીની શરતો, પક્ષકારો સાથેના વ્યવહારોની તપાસ કરવામાં આવી રહી છે. આ ઉપરાંત સુરાણા બિલ્ડર ગ્રૂપના બાંધકામ પ્રોજેક્ટમાં જમીનના ખરીદ-વેચાણ સંબંધિત હિસાબી વ્યવહારો અને ફ્લેટ ધારકો પાસેથી મળેલા નાણાકીય વળતરની પણ તપાસ કરવામાં આવી છે, જેમાં બિલ્ડર પણ મોટા પાયે પ્રવેશ્યા છે. સૂત્રો દ્વારા જાણવા મળ્યું છે કે, મોટા પાયે કરચોરીની આશંકા છે.
Click it and Unblock the Notifications
Sign in with Google
