પાકિસ્તાનઃ અથડામણમાં 30 જવાન અને 100 આતંકીઓના મોત

ઇસ્લામાબાદ, 9 એપ્રિલઃ ભારતના પાડોસી દેશ પાકિસ્તાનના પશ્ચિમ વિસ્તારમાં એક કબાઇલી વિસ્તારમાં સામરિક રીતે મહત્વપૂર્ણ વિસ્તારો પર કબજો મેળવવા માટે સુરક્ષા દળો અને તાલિબના સમર્થક આતંકવાદીઓ વચ્ચે થયેલી અથડામણમાં 30 સૈનિકો અને 100 આતંકવાદીઓ માર્યા ગયા હોવાના અહેવાલ છે. પાકિસ્તાની મીડિયામાં આવેલા સમાચારો અનુસાર કબાઇલી વિસ્તારમાં તિરાહ વેલી પર કબજો મેળવવા માટે ચાલી રહેલી લડાઇએ ઘણું મોટું સ્વરૂપ ધારણ કરી લીધું છે.

સોમવારે યુદ્ધ વિમાનો અને હેલિકોપ્ટર્સથી આતંકીઓના ઠેકાણાઓને નિશાન બનાવવામાં આવ્યા હતા. આ હુમલામાં ઘણા લોકો માર્યા ગયા હતા. પાકિસ્તાની મીડિયાના અહેવાલને સાચો માનીએ તો આ હુમલામાં 30 પોલીસ કર્મીઓ અને 100 આતંકવાદીઓના મોત નીપજ્યાં છે. લશ્કરએ ઇસ્લામ અને તહરીક એ તાલિબાન પાકિસ્તાન તિરાહ વેલીમાં ઘણા સ્થાનો પર કબજો જમાવીને બેસેલા છે અને સુરક્ષા દળો તેમને ત્યાંથી ભગાડવા માટે વ્યાપક અભિયાન ચલાવી રહ્યાં છે. જે સબબ બન્ને પક્ષો વચ્ચે જોરદાર અથડામણ ચાલી રહી છે.

સૂત્રોના હવાલાથી જાણવા મળેલી માહિતી અનુસાર આ અભિયાન શુક્રવારે શરૂ કરવામાં આવ્યું હતું, ત્યારબાદથી જ આતંકવાદીઓએ જવાબી હુમલા વધારી દીધા હતા. સુત્રોએ જણાવ્યા પ્રમાણે માર્યા ગયેલા સુરક્ષાકર્મીઓમાં વિશેષ સેવા સમૂહના એક અધિકારી સહિત ઘણા અધિકારીઓ પણ સામેલ છે.

English summary

Four days of fierce fighting in northwestern Pakistan left 30 soldiers and nearly 100 militants dead as the army attempted to wrest control of a remote, mountainous valley from the Taliban and their allies.