અફઘાનિસ્તાનમાં બોમ્બથી રમી રહેલા 4 બાળકોના મોત

કાબુલ, 24 એપ્રિલઃ અફઘાનિસ્તાનના કંઘાર પ્રાન્તમાં એક બોમ્બ સાથે બાળકો રમી રહ્યાં હતા, ત્યારે એ બોમ્બ ફૂટતા ચાર બાળકોના ઘટનાસ્થળે જ મોત નીપજ્યાં છે. ચારેય બાળકો એક જ પરિવારના હતા. આ ઘટનામાં અન્ય એક બાળકને ઇજા પહોંચી હોવાના અહેવાલ છે.

આ માહિતી એક અધિકારીએ આપી હોવાનું સમાચાર એજન્સી ઇએફઇએ જણાવ્યું છે. રાજ્ય સરકારના પ્રવક્તા જાવેદ ફૈજલે જણાવ્યું કે, આ ઘટના મારુફ જિલ્લાના રસકાઇ જોનમાં બે વાગ્યાની આસપાસ ઘટી હતી.

અધિકારીએ જણાવ્યું કે, બોમ્બ સાથે બાળકો રમી રહ્યાં હતા, ત્યારે અચાનક બોમ્બ ફૂટ્યો હતો. જેમાં એક જ પરિવારના ચાર બાળકોનું મોત નીપજ્યું,જ્યારે ઇજાગ્રસ્તને સારવાર અર્થે હોસ્પિટલમાં દાખલ કરવામાં આવ્યો છે. મૃતકોની ઉમર 10 વર્ષથી ઓછી હતી. આ ઘટનામાં તાલીબાની આતંકવાદને જવાબદાર ઠેરવવામાં આવ્યું છે.

English summary

Four children from the same family died Tuesday and another child was wounded when a bomb they were playing with exploded