ગ્વાટેમાલામાં 7.4 તીવ્રતાનો ભૂકંપ, 48ના મોત

મેક્સિકો સિટી, 8 નવેમ્બર: અમેરિકાના ગ્વાટેમાલા શહેરમાં બુધવારે આવેલા 7.4 તીવ્રતાના ભૂકંપના કારણે 48 લોકોના મોત નિપજ્યાં છે, જ્યારે 155 લોકો ઇજાગ્રસ્ત થયા છે. ભૂકંપની તીવ્રતા એટલી હતી કે લગભગ 135 ઘર ઢળી પડ્યાં હતા. શહેરના ગર્વનર એરોલ્ડો રિવેરાના જણાવ્યા અનુસારા આ ભૂકંપમાં 100 વધુ લોકો ગુમ થયા હતા. મૃતકોની સંખ્યામાં વધારો થતો જોવા મળે છે.

આ ભૂકંપ જીએમટી સમયઅનુસાર 16:36 વાગે આવ્યો હતો. તેનું કેન્દ્રબિંદુ પેસેફિક મહાસમુદ્રમાં ચૈમપેરિકોથી 24 કિલોમીટર દૂર હતું. અમેરિકન ભૂગર્ભ વિભાગના જણાવ્યા અનુસાર ભૂકંપના સામાન્ય આંચકા હજુ ચાલુ છે.

જેવો જ આ ભૂકંપ આવ્યો તેની સાથે જ લોકો રસ્તા પર દોડી આવ્યા હતા. કાર્યસ્થળોને ખાલી કરાવવામાં આવ્યા હતા. આટલું જ નહી 73 હજારથી પણ વધુ મકાનો ખાલી કરાવવામાં આવ્યા હતા. આખા શહેરની વિજળી કાપી દેવામાં આવી હતી. રાહત કાર્ય માટે કેટલાય પડોશી શહેરોમાંથી 2000 ટીમો મોકલવામાં આવી હતી. આ ભૂકંપના કારણે કેટલીક જગ્યાએ ભૂસ્ખલન પણ થયું હતું.

મેક્સિકો સિટીમાં પણ ભૂકંપના સામાન્ય આંચકા અનુભવાયા હતા. જેની તીવ્રતા 7.3 આંકવામાં આવી હતી. સ્કૂલ, કોલેજ, કાર્યાલયોને ખાલી કરાવવામાં આવ્યા હતા જેના કારણે હાલમાં મોતના કોઇ સમાચાર પ્રાપ્ત થયા નથી. 4 ફેબ્રુઆરી 1976 બાદ અત્યાર સુધીમાં સૌથી વધુ તીવ્રતાવાળો ભૂકંપ હતો. તે ભૂકંપમાં 23 હજાર લોકોના મોત નિપજ્યાં હતા અને કરોડો લોકો બેધર બન્યા હતા.

English summary

At least 48 people died in Guatemala on Wednesday in a 7.4-magnitude undersea quake that also jolted Mexico and El Salvador.