મોદી સરકારે 59 એપ્સ પર લગાવ્યો બેન, ચીને કહ્યુ સ્થિતિ ચિંતાજનક

ભારત સરકારે સોમવારે 59 ચીની એપ્સને બેન કરી દીધી છે. ભારત સરકારે આ નિર્ણય પર ચીન તરફથી પ્રતિક્રિયા આવી છે. ચીનના વિદેશ મંત્રાલયે આને એક ગંભીર સ્થિતિ ગણાવી દીધી છે. ચીની વિદેશ મંત્રાલયના પ્રવકતા ઝાઓ લિજિયાને કહ્યુ છે કે તેમનો દેશ આ પગલાંથી ખૂબ જ ચિંતિત છે અને સ્થિતિની પુષ્ટિ કરી રહ્યા છે. ન્યૂઝ એજન્સી એએનઆઈની તરફથી ચીની પ્રતિક્રિયા વિશે માહિતી આપી છે.

ભારત સરકારે આપી કાનૂની હિતોની રક્ષા કરવાની સલાહ

વિદેશ મંત્રાલયના પ્રવકતા લિજિયાને આગળ કહ્યુ, 'ચીની સરકાર હંમેશાથી પોતાના વેપારીઓને આંતરરાષ્ટ્રીય કાયદા અને સ્થાનિક નિયામકોનુ પાલન કરવા પર જોર આપે છે. ભારત સરકારની પણ જવાબદારી છે કે તે આંતરરાષ્ટ્રીય રોકાણકારો જેમાં ચીની પણ શામેલ છે, તેમના કાનૂની અધિકારીની રક્ષા કરે.' સરકારે પોતાના નિવેદનમાં કહ્યુ હતુ કે જે માહિતી સરકાર પાસે છે તે મુજબ આ એપ્સ ભારતની સંપ્રભુતા અને અખંડતા, સુરક્ષા, રાજ્યની સુરક્ષા અને સાર્વજનિક વ્યવસ્થા માટે ખતરનાક છે અને તેમને વધારનારી ગતિવિધિઓમાં શામેલ છે.

ટિકટૉકે કહ્યુ કે ચીન સાથે ડેટા શેર નથી કરતા

સોમવારે મોદી સરકારે ચીનને તગડો ઝટકો આપીને 59 ચીની એપ્સને પ્રતિબંધિત કરી દીધી. જે એપ્સને બેન કરવામાં આવી તેમાં ટિકટૉક, યુસી બ્રાઉઝર, વીચેટ, બ્યુટીકેમ, શેરઈટ અને કેમ સ્કેનર સહિત એપ્સ શામેલ છે. ભારતમાં ચીની એપ્સ પર બેન લાગ્યા બાદ ચીની કંપનીઓ તરફથી પ્રતિક્રિયા આવી રહી છે. ટિકટૉકે પોતાની સફાઈમાં કહ્યુ કે અમે કોઈ પ્રકારનો ડેટા ચીન સાથે શેર નથી કરતા. ટિકટૉક ઈન્ડિયાના પ્રમુખ નિખિલ ગાંધીએ કહ્યુ, 'અમે સંબંધિત સરકારી સ્ટેક હૉલ્ડર્સ સાથે મળીને જવાબ આપવા અને સ્પષ્ટીકરણ આપવા માટે કહેવામાં આવ્યુ છે.' તેમણે સ્પષ્ટ રીતે કહ્યુ કે ટિકટૉક ચીનની સરકાર સાથે કોઈ પ્રકારની માહિતી શેર નથી કરતુ.

English summary

59 apps including TikTok now banned in India, China says strongly concerned.