• search
For Quick Alerts
ALLOW NOTIFICATIONS  
For Daily Alerts

USમાં મંદિર તોડફોડ, દિવાલો પર લખાયા વિવાદિત નિવેદન

|

વોશિંગ્ટન, 17 ફેબ્રુઆરી: હાલમાં જ અમેરિકાના રાષ્ટ્રપતિ બરાક ઓબામાએ ભારતના સંદર્ભમાં એક નિવેદન આપ્યું હતું કે અત્રે ધર્મ પ્રત્યે લોકોમાં સહનશક્તિ ઓછી થઇ રહી છે. પરંતુ અમેરિકાના સિએટલમાં એક હિન્દુ મંદિરને તોડાયા બાદ તેની દિવાલો પર લખાયેલા 'અત્રેથી ભાગી જાવ' જેવા નિવેદનો બાદ અમેરિકાની વાસ્તવિકતા એકવાર ફરી દુનિયા સામે આવી ગઇ છે.

હિન્દુ મંદિરને તોડવાની આ ઘટના અમેરિકાના મેટ્રોપોલિટન ક્ષેત્ર સિએટલમાં થઇ છે જ્યાં મંદિરમાં તોડફોડ બાદ ત્યાં 'ગેટ આઉટ' લખી દેવામાં આવ્યું છે. આ મંદિર અ વિસ્તારનું સૌથી મોટું મંદિર છે. જોકે સ્થાનીય પ્રશાસન મામલાની તપાસ કરવામાં લાગી ગયું છે અને તેની તપાસ કરી રહ્યું છે.

temple
સોમવારે વરિષ્ઠ પોલીસ અધિકારીઓએ મંદિરનું નિરિક્ષણ કર્યું અને જણાવ્યું કે આ પ્રકારની ઘટના અમેરિકામાં ના થવી જોઇએ. હિન્દુ મંદિર અને સંસ્કૃતિ સેંટરના અધ્યક્ષ નિત્યા નિરંજને જણાવ્યું કે અમેરિકા અપ્રવાસીયોનો દેશ છે અને કોઇ એવું કેવી રીતે કહી શકે કે અહીંથી ચાલ્યા જાવ. મંદિરમાં મહાશિવરાત્રિના પર્વની ઉજવણી કરવામાં આવનાર હતી અને એજ દિવસે આ ઘટનાના બનવા પર સ્થાનીય હિન્દુઓમાં ખૂબ જ રોષની લાગણી પ્રવર્તી ગઇ છે.

અમેરિકામાં ભારતીયો પર ઊઠી રહી છે આંગળી:

અમિત પટેલની હત્યા

મૂળ નડિયાદના 28 વર્ષીય અમિત પટેલની તેમની દૂકાનમાં જ ગોળી મારીને હત્યા કરી દેવાઇ છે. આ ઘટના બાદ બંને દેશમાં ચકચાર મચી જવા પામી છે. આ ઘટના રવિવાર રાત્રિની છે, જ્યારે અમિત પટેલ પોતાની લીકર શોપમાં હતા. તેઓ અત્રે ન્યૂજર્સીમાં લીકર શોપ ચલાવે છે. આ દરમિયાન કેટલાક અજાણ્યા શખ્શો આવ્યા અને તેમની પર ગોળીઓનો વરસાદ કરીને નાસી ગયા. અમેરિકામાં ગુજરાતી પટેલ પર હુમલાની બીજી ઘટના બાદ અમેરિકામાં વસતા એનઆરઆઇ અને ખાસ કરીને ગુજરાતીઓમાં ભારે રોષની લાગણી જોવા મળી રહી છે.

સુરેશભાઇ પટેલની પોલીસ દ્વારા પીટાઇ

અત્રે ઉલ્લેખનીય છે કે થોડા દિવસો પહેલા અલબામામાં અમેરિકન પોલીસે મૂળ ગુજરાતના અને આધેડવયના સુરેશભાઇ પટેલને ઢોર માર માર્યો હતો, જેના કારણે સુરેશભાઇને લકવાની અસર લાગી ગઇ અને તેમને હોસ્પિટલમાં દાખલ કરવા પડ્યા. જોકે તે પોલીસ અધિકારીને સસ્પેન્ડ કરી દેવામાં આવ્યો છે જેણે તેમને ઢોર માર માર્યો હતો.

એવામાં વધુ એક ભારતીયની ગોળી મારીને હત્યા અને મંદિરની તોડફોડ આ તમામ ઘટનાઓ અમેરિકામાં ભારતીયોની સુરક્ષાને લઇને ઘણા સવાલો ઉઠાવે છે.

English summary
A Hindu temple has been vandalised with hate speech in the US state of Washington, authorities to launch an investigation.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more