એક ઉલ્કા પૃથ્વી સાથે ટકરાશે અને એલિયનની એન્ટ્રી થશે, ટાઈમ ટ્રાવેલનો દાવો કરનાર વ્યક્તિનો દાવો!

દુનિયાભરમાં સતત અલગ અલગ જગ્યાઓએ એલિયન દેખાયાના દાવા કરવામાં આવે છે. દુનિયામાં ઘણા એવા લોકો છે જેઓએ એલિયન જોયા હોવાનો દાવો કર્યો છે. હવે આવો જ એક દાવો એક વ્યક્તિએ કર્યો છે. એલિયન સાથે અજીબોગરીબ દાવો કરનારો આ વ્યક્તિ પોતાને ટાઈમ ટ્રાવેલર ગણાવી રહ્યો છે. તેના આ દાવાએ દુનિયાભરમાં એક નવા વિવાદને જન્મ આપ્યો છે.

ટિકટોક વીડિયોમાં દાવો

ડેઇલીસ્ટારના એક અહેવાલ અનુસાર, દાવો કરનાર વ્યક્તિ ટિકટોક પર Eno Alric અથવા 'theradianttimetraveler' તરીકે પોતાને ઓળખાવે છે. તાજેતરમાં જ તેણે ટિકટોક પર એક વીડિયો પોસ્ટ કર્યો હતો, જેણે હંગામો મચાવ્યો છે.

જાણો શું દાવો કર્યો?

એનો એલ્રિકના જણાવ્યા મુજબ, 30 નવેમ્બર 2022 ના રોજ જેમ્સ વેબ ટેલિસ્કોપ એક નવો ગ્રહ શોધશે, જે પૃથ્વી જેવો હશે. પછી 8 ડિસેમ્બર 2022ના રોજ એક ઉલ્કા પૃથ્વી પર ટકરાશે, જેમાં નવા પ્રકારની ધાતુઓ અને એલિયન પ્રજાતિઓ હશે. આ પછી 6 ફેબ્રુઆરી 2023 ના રોજ 4 યુવાનો એક ઉપકરણ બનાવશે અને અન્ય તારા મંડળ માટે વોર્મહોલ ખોલશે.

સુનામીની આગાહી

તેણે આગળ કહ્યું કે, આ ચક્ર ચાલુ રહેશે. 23 માર્ચ 2023ના રોજ મારિયાના ટ્રેન્ચનું અન્વેષણ કરી રહેલી વૈજ્ઞાનિકોની ટીમ પ્રાચીન પ્રજાતિઓની શોધ કરશે. તે પછી 15 મે 2023 ના રોજ 750 ફૂટની સુનામી યુએસ વેસ્ટ કોસ્ટ પર આવશે. તેણે એવો પણ દાવો કર્યો કે તે ટાઈમ ટ્રાવેલર છે અને તે વર્ષ 2671થી પાછો ફર્યો છે.

લોકોએ શું કહ્યું?

જો કે તેણે કોઈ ચોક્કસ પુરાવા આપ્યા નથી, પરંતુ તેના કારણે લોકો તેની થિયરી પર સવાલ ઉઠાવી રહ્યા છે. એક યુઝરે કોમેન્ટ કરતા લખ્યું કે આજકાલ ટાઈમ ટ્રાવેલર્સની સંખ્યા વધી રહી છે. આ લોકો મૂર્ખ બનાવે છે અને સમય કેવી રીતે પસાર થયો તે ક્યારેય કહેતા નથી. એક માણસ એનો એલ્રિકને પાગલ કહે છે. જો કે, ઘણા લોકો તેમના શબ્દોને સાચા માને છે.

English summary

A meteorite will collide with Earth and aliens will enter