BRICS : ડોકલામ વિવાદ પછી પહેલી વાર મળ્યા મોદી અને જિનપિંગ
પીએમ નરેન્દ્ર મોદી અને ચીનના રાષ્ટ્રપતિ શી જિનપિંગે આજે બ્રિક્સ સમિટ દરમિયાન એક બેઠક કરી. ડોકાલામ વિવાદ પછી પહેલી વાર બન્ને દેશોના પ્રતિનિધિઓ મળ્યા હતા.
બ્રિક્સના 9માં સંમેલનના બીજા દિવસે વડાપ્રધાન નરેન્દ્ર મોદી અને ચીની રાષ્ટ્રપતિ શી જિનપિંગે એકબીજા સાથે મુલાકાત કરી હતી. ચીનના રાષ્ટ્રપતિ શી જિનપિંગ આ પ્રસંગે કહ્યું કે ચીન ભારત સાથે પંચશીલના પાંચ સિદ્ધાંતો મુજબ કામ કરવા તૈયાર છે. ચીની રાષ્ટ્રપતિ અને પીએમ મોદીની મુલાકાત વખતે ચીન તરફથી જ્યાં ચીનના વિદેશ મંત્રી, સ્ટે કાઉન્સલર યાંગ જીએચી અને ચીફ સ્પોકપર્સન લૂ કાંગ હાજર હતા ત્યાં જ ભારત તરફ રાષ્ટ્રીય સલાહકાર અજીત ડોવાલ, વિદેશ સચિવ એસ. જયશંકર હાજર રહ્યા હતા.
ઉલ્લેખનીય છે કે ભારત અને ચીનની સેનાઓ ડોકલામમાં લાંબો સમય સુધી સ્ટેન્ડ ઓફ કર્યા પછી પહેલી વાર આ બન્ને દેશોના નેતા ચીનની બ્રિક્સ સમિટમાં મળી રહ્યા હતા. નોંધનીય છે કે બ્રિક્સ સમિટ પહેલા જ બન્ને દેશોએ પોત પોતાની સેના પાછી લેવાની વાત કરી હતી. વધુમાં આ બેઠક પહેલા જ સમિટના છેલ્લા ભાષણમાં પીએમ નરેન્દ્ર મોદીએ તમામ દેશોને સૌનો સાથ સૌના વિકાસની વાત પર ભાર મૂકવાની વાત કહી હતી. ત્યારે ચીની સ્પોકપર્સને આ અંગે વાત કરતા જણાવ્યું હતું કે બન્ને દેશો જલવાયુ પરિવર્તન અંગે ચર્ચા કરી હતી.
Click it and Unblock the Notifications
Sign in with Google
