ઑસ્ટ્રેલિયાના વર્તમાનપત્રનો મોટો દાવો - 'ગલવાનના ખૂની સંઘર્ષમાં નદીમાં વહી ગયા હતા 38 ચીની સૈનિક'

ઑસ્ટ્રેલિયાના વર્તમાનપત્ર 'ધ કલેક્સન'એ દાવો કર્યો છે કે આ ઝડપ દરમિયાન ચીનના 38 સૈનિક નદીમાં વહી ગયા હતા.

Updated: Thursday, February 3, 2022, 10:29 [IST]

સિડનીઃ 15 જૂન, 2022ના રોજ ગલવાન ઘાટીમાં ભારત-ચીન વચ્ચે થયેલા સંઘર્ષને કોઈ નથી ભૂલી શકતુ. આ ખૂની ઝડપમાં કર્નલ સંતોષ બાબૂ સહિત ભારતના 20 વીર સૈનિકો શહિદ થઈ ગયા હતા અને મોટી સંખ્યામાં ચીની સૈનિકો માર્યા ગયાના સમાચાર હતા પરંતુ ચીને આ વિશે હંમેશા ગોળ-ગોળ જવાબો આપ્યો પરંતુ હવે આ વિશે ઑસ્ટ્રેલિયાના વર્તમાનપત્ર 'ધ કલેક્સન'એ મોટી વાત કહી છે. તેણે દાવો કર્યો છે કે આ ઝડપ દરમિયાન ચીનના 38 સૈનિક નદીમાં વહી ગયા હતા.

'ગલવાન ડિકોડેડ'

જો કે ચીન તરફથી અત્યાર સુધી માત્ર 4 સૈનિકોના મોતની વાત કબૂલવામાં આવી છે અને તે હંમેશા પોતાના માર્યા ગયેલા સૈનિકોની સંખ્યા જણાવવાનુ ટાળતુ રહ્યુ છે. ગલવાન ડિકોડેડ નામથી પ્રકાશિત રિપોર્ટમાં કહેવામાં આવ્યુ છે કે આ ઝડપમાં ભારત કરતા વધુ નુકશાન ચીનને થયુ હતુ, ઘણા ચીની સૈનિક અંધારામાં નદી પાર કરતી વખતે ડૂબી ગયા હતા.

ચીને ખૂબ સફાઈથી તથ્યોને છૂપાવ્યા

'ધ કલેક્સન'ના સમાચાર શોધકર્તાઓ અને ચીનના બ્લૉગરોની સૂચના પર આધારિત છે પરંતુ સુરક્ષા કારણોના કારણે પેપરે એ લોકોના નામોને પ્રકાશમાં લાવ્યા નથી. રિપોર્ટમાં સ્પષ્ટ રીતે લખ્યુ છે કે એ રાતે વાસ્તવમાં શું થયુ હતુ. આ વિશે ચીને ઘણુ બધુ દુનિયાને નથી જણાવ્યુ. તેણે ખૂબ સફાઈથી તથ્યોને છૂપાવ્યા છે અને તોડી મરોડીને રજૂ કર્યા છે.

રશિયન એજન્સી 'તાસ'એ પણ કર્યો હતો મોટો દાવો

આ રિપોર્ટમાં ઘણા બ્લૉગરોએ ચીન પર ખોટુ બોલવાનો આરોપ લગાવ્યો છે. તમને જણાવી દઈએ કે આ કોઈ પહેલી વાર નથી જ્યારે ચીન પર આ પ્રકારના આરોપ લાગ્યા છે. આ પહેલા રશિયન એજન્સી તાસ(TASS)એ કહ્યુ હતુ કે ગલવાનની હિંસક ઝડપમાં ચીનના ઓછામાં ઓછા 45 સૈનિક માર્યા ગયા હતા.

ભારત અને ચીન વચ્ચે વધ્યો તણાવ

તમને જણાવી દઈએ કે ગલવાનની ઘટના બાદથી ભારત અને ચીન વચ્ચે સંબંધો ઘણા બગડેલા છે. બંને દેશો વચ્ચે સીમા વિવાદ સમાપ્ત કરવા માટે 14માં દોરની સૈન્ય વાતચીત થઈ ચૂકી છે પરંતુ હજુ સુધી કોઈ પરિણામ નીકળ્યુ નથી. ચીન તરફથી સીમા પર પેંગોંગ ઝીલ પર પુલ બનાવવાની વાત સામે આવી છે. હાલમાં જ સેટેલાઈટ ફોટામાં જોવામાં આવ્યુ છે કે ચીન પેંગોંગ ઝીલના પોતાના કબ્જાવાળા વિસ્તારમાં પુલનુ નિર્માણ કરી રહ્યુ છે.