62 વર્ષના ઇમરાન ખાને કર્યા પત્રકાર રેહામ ખાન સાથે નિકાહ

લાહૌર, 30 ડિસેમ્બર: પાકિસ્તાનના રાજનૈતિક દળ તહરીક એ ઇંસાફના પ્રમુખ અને પાકિસ્તાની ક્રિકેટ ટીમના પૂર્વ કપ્તાન ઇમરાન ખાનના બીજા લગ્ન સમાચારો મીડિયામાં વહેતા થયા છે. કહેવામાં આવી રહ્યું છે કે ઇમરાને પત્રકાર રેહામ ખાન સાથે બીજા લગ્ન કરી લીધા છે. સૂત્રોના જણાવ્યા અનુસાર રેહામ ખાન એક ટીવી ચેનલમાં એંકર તરીકે કાર્ય કરે છે. જોકે ઇમરાન ખાને આ પ્રકારની વાતોનું ખંડન કર્યું છે. સાથે જ તેને અફવાહ ઘણાવી છે, પરંતુ સોશિયલ મીડિયા પર તેમના લગ્નના સમાચાર વાયરલ બની ગયા છે.

એક લોકસ ન્યૂઝપેપરના અહેવાલ અનુસાર 'ઇમરાન અને રેહામના કેટલાંક નજીકના મિત્રોને આ અંગેની જાણકારી છે કે આ બંનેએ એકબીજા સાથે લગ્ન કરી લીધા છે. સાથે જ રિપોર્ટમાં એ પણ કહેવામાં આવ્યું છે કે ઇમરાન પોતાના નિકાહની ઔપચારિક જાહેરાત જાન્યુઆરીમાં કરી શકે છે. રેહામ પાકિસ્તાની મૂળની બ્રિટિશ પત્રકાર છે, તેમણે બીબીસી વર્લ્ડ સર્વિસ માટે પણ કામ કર્યું છે. હાલમાં રેહામ પાકિસ્તાનના ટીવી ચેનલ ડોનની સાથે જોડાયેલ છે.'

નોંધનીય છે કે ઇમરાન ખાનના લગ્નને લઇને આ પ્રકારની અફવાઓ પહેલા પણ આવતી રહી છે. આપને જણાવી દઇએ કે લગ્નની આ અફવાહ પહેલા ઇસ્લામાબાદમાં 126 દિવસો માટે ધરણા પર બેસવા દરમિયાન તેમણે એવું ઘણી વખત કહ્યું હતું કે 'નવા પાકિસ્તાન'માં લગ્ન કરશે.

જ્યારે પાકિસ્તાની એક્ટ્રેસ મીરાએ પણ પીટીઆઇના પ્રમુખ ઇમરાન ખાન સાથે લગ્ન કરવાની ઇચ્છા વ્યક્ત કરી હતી. ઇમરાનની પહેલી પત્નીનું નામ જેમિકા ખાન હતું, જેમની સાથે તેઓ 2004માં અલગ થઇ ગયા હતા. જેમિના ખાનથી તેમને બે બાળકો સુલેમાન અને કાસિમ છે.

English summary

Did Imran Khan marry TV anchor Rehaam Khan?