Disease Xથી પીડિત દર્દીનો ઈલાજ કરી રહેલા ડૉક્ટરે કહ્યું- અમે ડરેલા છીએ, અને ડરવું જરૂરી છે

દુનિયાભરમાં કેટલીય વેક્સીન આવવાના કારણે કોરોના મહામારીને લઈ લોકોએ રાહતનો શ્વાસ લેવો શરૂ કર્યો હતો, પરંતુ એક વડા વૈજ્ઞાનિકે વધુ એક ખતરનાક ઘાતક મહામારીની આશંકા જતાવી છે જેનાથી હડકંપ મચી ગયો છે આ રહસ્યમય બીમારીનું નામ 'ડિજીજ એક્સ' (Disease X) આપવામાં આવ્યું છે અને ઈબોલાનો પતો લગાવનાર વૈજ્ઞાનિકે આશંકા જતાવી કે આ બીમારી જલદી જ કહેર મચાવવો શરૂ કરી શકે છે, જે કોવિડ 19ની જેમ જ તેજીથી ફેલાશે અને ઈબોલા વાયરસ જેવી ઘાતક બીમારી હોય શકે છે.

ઈબોલા જેવી ઘાતક બીમારીએ દસ્તક આપી

એક વર્ષ બાદ આખા વિશ્વના લોકોમાં ઉમ્મીદ જાગી હતી કે આગામી કેટલાક મહિનામાં જિંદગી ફરી એકવાર પટરી પર ફરી શકે છે. જેમ જેમ કોરોનાથી બચાવ માટે વેક્સીનના ડોઝ પડવા શરૂ થયા, એક ઉમ્મીદ જાગી છે કે આ મહામારીની અસર ધીરે ધીરે ઘટી શકે છે. પરંતુ એક નવા રિપોર્ટ મુજબ દુનિયાએ જલદી જ વધુ એક જીવલેણ વાયરસનો સામનો કરવો પડી શકે છે, જેને ડિજીજ એક્સ (Disease X) નામ આપવામાં આવ્યું છે. આ ગંભીર બીમારી કોરોના વાયરસની જેમ જ તેજીથી ફેલાય તેવી આશંકા છે. આ વાતની પુષ્ટિ અન્ય કોઈએ નહિ બલકે 1976માં ઈબોલા વાયરસનો પતો લગાવનાર વૈજ્ઞાનિક જીન-જૈક્સ મુયેમ્બે તામફૂમે કરી છે.

કોરોનાથી પણ ખતરનાક વાયરસ ફેલાવાની આશંકા

વૈજ્ઞાનિક તામફૂમ મુજબ નવી બીમારીને લઈ ભવિષ્ય માટે માનવતાએ સાવધાન રહેવાની જરૂરત છે. તેમના મુજબ ડિજીજ એક્સ નામ કાલ્પનિક છે, પરંતુ તે દુનિયામાં વધુ એક મહામારીનું કારણ બની શકે છે. તેમણે એવી આશંકા પણ જતાવી છે કે આફ્રીકાના ઉષ્ણકટિબંધીય વર્ષાવનોથી કેટલાય નવા અને ખતરનાક વાયરસ પેદા થઈ રહ્યા છે. તેમના મુજબ કેટલીય બીમારીઓ જેવી કે યેલો ફીવર, ઈન્ફ્લૂએંજા, રેબીજ અને કોરોના વાયરસ જાનવરોથી માણસોમાં પહોંચ્યા છે અને મહામારીનું કારણ બન્યા છે, માટે ભવિષ્યમાં કોવિડ 19થી પણ ભયાનક મહામારીઓ ફેલાઈ શકે છે.

આફ્રીકી દેશ કાંગોમાં પહેલી સંદિગ્ધ દર્દી મળી

બ્રિટિશ સમાચાર પત્ર ડેલી મેલના રિપોર્ટ મુજબ આફ્રીકી દેશ રિપબ્લિક ઑફ ધી કાંગોની એક મહિલા દર્દીમાં ડિજીજ એક્સના લક્ષણો જોવા મળ્યા છે. આ મહિલાને લોહી આવવાની સાથે તાવ પણ આવ્યો હતો. દર્દીના ઈબોલા અને અન્ય તમામ ટેસ્ટ નેગેટિવ આવ્યા છે, જે બાદ ડૉક્ટર્સમાં આશંકા વધી ગઈ છે કે આ મહિલા રહસ્યમય વાયરસ ડિજીજ એક્સની પહેલી શિકાર હોય શકે છે, જે કોરોનાથી પણ તેજીથી ફેલાઈ શકે છે અને ઈબોલાથી પણ વધુ લોકોના જીવ લઈ શકે છે. તે સંદિગ્ધ મહિલા દર્દીને હાલ પ્લાસ્ટિકના સુરક્ષા કવચમાં રાખવામાં આવી છે અને તેની સાથે દૂરથી જ વાતચીત કરવામાં આવી રહી છે. જીવલેણ બીમારીની આશંકાથી ઈલાજ કરતા તબીબોમાં પણ હડકંપ મચી ગયો છે.

આપણા ખ્યાલથી બહારની વસ્તુ

વિશ્વ સ્વાસ્થ્ય સંગઠને ડિજીજ એક્સ વિશે જણાવ્યું કે આમાં X નો મતલબ છે ખ્યાલથી પણ બહારની ચીજ. જાણકારી મુજબ રશિયાના વૈજ્ઞાનિકોએ આ નવી અને રહસ્યમય બીમારીની તપાસ શરૂ કરી દીધી છે. બીજી તરફ પીડિત મહિલાનો ઈલાજ કરનાર ડૉક્ટર બોનકોલેનું કહેવું છે કે, બધા લોકો ડરેલા છે. ઈબોલાને કોઈ નહોતું જાણતું, આવી રીતે કોવિ-19ની પણ આપણને ખબર નહોતી. આ નવી બીમારીઓથી આપણે ડરવું જ પડશે.

English summary

Doctors who treating the first patient of Disease X says we need to afraid