હિથ્રો વિશ્વનું પ્રથમ નંબરનું સૌથી વ્યસ્ત એરપોર્ટ
ઈન્ટરનેશનલ પેસેન્જર ટ્રાફિકની દ્રષ્ટિએ દુબઈ ઈન્ટરનેશનલ એરપોર્ટે વિશ્વમાં બીજા નંબરના સૌથી વ્યસ્ત એરપોર્ટ તરીકેનું સ્થાન ફરી પ્રાપ્ત કર્યું છે. તેણે આ સ્થાન મેળવવામાં પહેલી જ વાર પેરિસના ચાર્લ્સ દ ગોલ એરપોર્ટને પાછળ રાખી દીધું છે.
ગ્લોબલ રેન્કિંગ્સમાં દુબઈ ઈન્ટરનેશનલ એરપોર્ટે આ વર્ષના આરંભમાં જ બે સ્થાનનો કૂદકો માર્યો છે. આ રેન્કિંગમાં પહેલા નંબર પર લંડનનું હિથ્રો એરપોર્ટ યથાવત રહ્યું છે. આ રેન્કિંગ્સ એરપોર્ટ્સ કાઉન્સિલ ઈન્ટરનેશનલ દ્વારા પ્રસિદ્ધ કરવામાં આવ્યા છે. દુબઈ એરપોર્ટ પર પેસેન્જર ટ્રાફિકમાં ગયા વર્ષની સરખામણીમાં 13 ટકાનો વધારો થયો છે.
એસીઆઇના રિપોર્ટમાં જણાવાયું છે કે ગ્લોબલ પેસેન્જર ટ્રાફિકમાં સરેરાશ 3.9 ટકાનો વધારો થયો છે. યુરોપ લેટિન અમેરિકા, નોર્થ અમેરિકામાં સરેરાશ ટ્રાફિક 2.5 ટકા જેટલો વધ્યો છે. મિડલ ઇસ્ટમાં ટ્રાફિકમાં 12.3 ટકાનો જ્યારે એશઇયા પેસિફિકમાં ઇન્ટરનેશનલ પેસેન્જર ટ્રાફિકમાં 9 ટકાનો વધારો નોંધાયો છે.