For Quick Alerts
ALLOW NOTIFICATIONS  
For Daily Alerts
Oneindia App Download

પાકિસ્તાનમાં બે હવાઇમથકો પર આતંકી હુમલો, 10 આતંકી ઠાર મરાયા

|
Google Oneindia Gujarati News

કરાચી, 15 ઓગષ્ટ: સ્વચાલિત હથિયારો, ગ્રેનેડથી સજ્જ અને આત્મઘાતી જેકેટ પહેરીને આતંકવાદીઓએ આજે પાકિસ્તાનના બલૂચિસ્તાન પ્રાંતની રાજધાની ક્વેટામાં ભારે સુરક્ષા બંદોબસ્તવાળા બે હવાઇ મથકો પર હુમલાનો પ્રયાસ કર્યો પરંતુ સુરક્ષા બળોએ આ પ્રયત્નને નિષ્ફળ કરતા દસ શંકાસ્પદ વિદેશી આતંકવાદીઓને ઠાર માર્યા.

અધિકારીઓએ જણાવ્યું કે પાકિસ્તાન વાયુસેના દ્વારા ઉપયોગમાં લેવાતા સામુંગલી એરબેસ અને ખાલિદ સૈન્ય એરબેસને ગઇકાલે રાત્રે થયેલા હુમલામાં નિશાનો બનાવવામાં આવ્યા. આ બંને સૈન્ય એરબેસ એકબીજાથી લગભગ 12 કિલોમીટરના અંતર પર સ્થિત છે.

બલૂચિસ્તાનના ગૃહ મંત્રી સરફરાજ બુગતીએ જણાવ્યું કે સુરક્ષા દળોએ આ હુમલા પર જવાબી કાર્યવાહી કરી અને હુલાખોરો તથા સુરક્ષાબળોની વચ્ચે ભારે ગોળીબારી થઇ. ઉગ્રવાદીઓને ખદેડવાના આ અભિયાન દરમિયાન 20થી વધારે વિસ્ફોટોના અવાજ સંભળાયા હતા.

pakistan
ફ્રંટિયર કોરના પ્રવક્તા ખાન વાસેએ જણાવ્યું કે આતંકવાદીઓએ એરબેસ પર ગોળીબાર કર્યો અને ગ્રેનેડ ફેંક્યા. તેમણે સાત રોકેટ હુમલા કર્યા, જે એરબેસના પરિસરોમાં જઇને પડ્યા. જોકે તેનાથી કોઇ નુકસાન થયું નહીં. ડૉન અનુસાર સામુંગલી એરબેસ પર હુમલા દરમિયાન સુરક્ષાબળોએ પાંચ ઉગ્રવાદીઓ અને ખાલિદ એરબેસ પર પાંચ ઉગ્રવાદીઓને ઠાર મરાયા.

સુરક્ષા દળોએ સામુંગલી એરબેસ પર હુમલાના સંબંધમાં પાંચ શંકાસ્પદોની ધરપકડ કરી લીધી. ઘાયલ અવસ્થામાં પકડાયેલ એક આતંકવાદીને પૂછતાછ દરમિયાન કોઇ અજાણ્યા સ્થાને લઇ જવામાં આવ્યો.

પોલીસ અધીક્ષક કુરેશીએ જણાવ્યું કે પોલીસ શંકાસ્પદો સાથે પૂછપરછ કરી રહી છે. માર્યા ગયેલા ઉગ્રવાદી 25થી 30 વર્ષની ઉંમરની વચ્ચેના હતા.

English summary
Gunmen attack Pakistani airbases, 10 attackers killed by Pakistan army.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X