રાષ્ટ્રપતિ ચૂંટણી: અંતિમ ચર્ચા માટે રોમની-ઓબામા તૈયાર

વોશિંગ્ટન, 22 ઑક્ટોબર: અમેરિકામાં 6 નવેમ્બરે યોજાનારી રાષ્ટ્રપતિની ચૂંટણી પહેલાં બરાક ઓબામા અને મિટ રોમની વચ્ચે આવતીકાલે અંતિમ ચર્ચા થશે. આ ચર્ચા ફ્લોરિડાની લાયન યૂનિવર્સિટીમાં યોજાશે. ઉલ્લેખનીય છે કે વર્તમાન રાષ્ટ્રપતિ બરાક ઓબામા અને રિપબ્લિકન ઉમેદવાર મિટ રોમની વચ્ચે પહેલાં બે ચર્ચા થઇ ચૂકી છે. પ્રથમ ચર્ચા બાદ રોમનીએ આર્થિક મુદ્દે ઓબામાને ધેરવાનો પ્રયત્ન કર્યો હતો તો ઓબામાએ બીજી ચર્ચામાં શાનદાર વાપસી કરી હતી.

ત્રીજી ચર્ચામાં બંને દેશો વચ્ચેની વિદેશ નીતિ પર ચર્ચા થઇ શકે છે. પ્રથમ ચર્ચામાં આઉટસોર્સિંગ પણ એક મુદ્દો હતો. પ્રથમ ચર્ચામાં રોમનીએ અમેરિકાના મધ્યમ વર્ગને આર્થિક રીતે મજબૂત બનાવવાના મુદ્દે જોર આપ્યું હતું. પરંતુ આ ચર્ચા પછી આવેલા સર્વેક્ષણોમાં સાબિત થયું છે કે ગત અઢી વર્ષો દરમિયાન અમેરિકન અર્થવ્યવસ્થા સુદ્રઢ થઇ છે અને રોજગારી પુરી પાડી છે. જ્યારે બીજી ચર્ચામાં રોમનીએ ઓબામાને લીબિયામાં થયેલા હુમલામાં અમેરિકાના રાજદૂતના અવસાનનો મુદ્દો ઉઠાવ્યો હતો.

સર્વેક્ષણોના અનુસાર બરાક ઓબામા અમેરિકન જનતા માટે વધારે વિશ્વનીય છે. અમેરિકામાં રાષ્ટ્રપતિની ચૂંટણી 6 નવેમ્બરે યોજાશે. જ્યારે શપથ વિધી સમારોહ 21 જાન્યુઆરીએ યોજાશે.

English summary

Last US presidential debate between President Barack Obama and Republican rival Mitt Romney is slated on Tuesday Oct 23 in Florida.