95ના થયા નેલ્સન મંડેલા, ઓબામાએ પાઠવી શુભેચ્છા

By Super

Updated: Friday, February 13, 2015, 14:58 [IST]

વોશિંગટન, 18 જુલાઇઃ અમેરિકન રાષ્ટ્રપતિ બરાક ઓબામા દ્વારા દક્ષિણ આફ્રિકાના પૂર્વ રાષ્ટ્રપતિ નેલ્સન મંડેલાને 95માં જન્મ દિવસની શુભેચ્છા પાઠવવામાં આવી છે. નેલ્સન મંડેલા છેલ્લા કેટલાક સમયથી હોસ્પિટલમાં છે. મંડેલનો જન્મ દિવસ દક્ષિણ આફ્રિકાની જનતા દ્વારા હર્ષોલ્લાસથી ઉજવવામાં આવી રહ્યો છે અને સ્વાસ્થ્ય સારું થાય તે અર્થે કામના કરવામાં આવી રહી છે.

ઓબામાએ એક નિવદેનમા કહ્યું કે, પોતાના પરિવાર અને અમેરિકનની જનતા તરફથી મિશેલ તથા હું નેલ્સન મંડેલાને તેમના 95માં જન્મદિવસની શુભેચ્છા પાઠવીએ છીએ અને તેઓ ઝડપથી સ્વસ્થ થાય તેવી કામના કરીએ છીએ. અમેરિકન રાષ્ટ્રપતિએ પાંચમા નેલ્સન મંડેલા આંતરરાષ્ટ્રીય દિવસ પર દક્ષિણ આફ્રિકા સરકાર અને જનતાને શુભેચ્છા આપી છે.

રંગભેદ વિરુદ્ધ સંઘર્ષ કરનાર આ દિગ્ગજ નેતાના સન્માનમાં અમેરિકાએ વર્ષ 2009માં તેમના જન્મ દિવસને મંડેલા દિવસ ઘોષિત કર્યો હતો.

ઓબામાએ કહ્યું કે, તેમના ઉદાહરણને જોઇને આપણે તે વ્યક્તિને સન્માન આપી શકીએ છીએ. જેમણે પોતાના લોકો અને વિશ્વને ન્યાય, સમાનતા અને સ્વતંત્રતાનો માર્ગ બતાવ્યો. અમેરિકન રાષ્ટ્રપતિએ કહ્યું કે, સમાનતા, સુલેહ, સમહતિ અને માનવ મર્યાદા માટે મંડેલાની અક્ષુણ્ણ પ્રતિબદ્ધતા પ્રત્યેક ભાવી પેઢી માટે અનુકરણીય રહેશે.