ભારતવંશી ઉજરા જેયાને જો બિડેને વિદેશ મંત્રાલયમાં આપ્યું મહત્વનું પદ

Indian American in Joe Biden Cabinet: અમેરિકાના નવા ચૂંટાયેલા પ્રેસિડેન્ટ જોબિડેને વધુ એક ભારતવંશીને પોતાની ટીમમાં મહત્વપૂર્ણ જગ્યા આપી છે. બિડેને ભારતીય- અમેરિકી ઉજરા જેયાને નાગરિક સુરક્ષા, લોકતંત્ર અને માનવાધિકાર મામલાના ઉપમંત્રી માટે નોમિનેટ કર્યાં છે. ઉજરા એવા સમયે ચર્ચામા આવ્યા હતાં જ્યારે તેમણે પ્રેસિડેન્ટ ડોનાલ્ડ ટ્રમ્પની નીતિઓના વિરોધમાં વિદેશ સેવાથી રાજીનામું આપી દીધું હતું.

આની સાથે જ જે બીજાં નામોની નિયુક્તિ કરવામાં આવી છે તેમાં વેંડી આર શર્મનને વિદેશ વિભાગમાં ઉપ મંત્રી, બ્રાયન મૈકકિયાનને પ્રબંધન અને સંશાધનના ઉપમંત્રી અને બોની જેનકિંસને હથિયાર નિયંત્રણ અને આંતરરાષ્ટ્રીય સુરક્ષા મામલાના ઉપમંત્રી અને વિક્ટોરિયા ન્યૂલેંડને રાજનૈતિક મામલાના ઉપમંત્રી તરીકે નામાંકિત કર્યા છે.

જો બિડેને ટ્વીટ કરી લખ્યું કે નામાંકિત મંત્રી ટોની બ્લિંકેનના નેતૃત્વવાળી આ વિવિધતા ભરી અને નિપુણ ટીમ મારા એ વિશ્વાસનું પ્રતિક છે કે જ્યારે આપણે બધા મળીને કામ કરીએ છીએ તો અમેરિકા વધુ મજબૂત થાય છે.

ટ્રમ્પના વિરોધમાં રાજીનામું આપ્યું હતું

ઉજરા જેયા થોડા સમય પહેલા સુધી અલાયંસ ફૉર પીસ બિલ્ડિંગના સીઈઓ અને અધ્યક્ષના રૂપમાં પોતાની સેવા આપી રહ્યાં હતાં. ઉજરા 2014થી 2017 સુધી પેરિસ સ્થિત અમેરિકી દૂતાવાસમાં ઉપ પ્રમુખના રૂપમાં તહેનાત રહ્યાં છે. તેમણે પ્રેસિડેન્ટ ટ્રમ્પની નીતિઓના વિરોધમાં 2018માં રાજીનામું આપી દીધું હતું. ભારતીય મૂળની ઉજરા જેયાએ પ્રેસિડેન્ટ ડોનાલ્ડ ટ્રમ્પ પર નક્સલવાદી થવાનો આરોપ લગાવ્યો હતો.

સપ્ટેમ્બર 2018માં પૉલિટિકો મેગેઝીનમાં લખેલ એક લેખમાં ઉજરાએ ટ્રમ્પ પ્રશાસન પર નક્સલવાદી અને લિંગ આધારે ભેદભાવ કરવાનો આરોપ લગાવ્યો હતો. તેમણે કહ્યું કે વૉશિંગ્ટન પરત ફર્યા બાદ તેમણે કેટલીયવાર ઉચ્ચ પદો પર કોઈપણ કારણ જણાવ્યા વિના કામ કરવાથી રોકવામાં આવ્યા હતા. ઉજરાએ લખ્યું હતું કે તેના સાથી કામ કરનાર એક સહકર્મીએ તેમને જણાવ્યું હતું કે વિદેશ વિભાગના એક વરિષ્ઠ અધિકારીએ તેમને અને એક આફ્રિકી અમેરિકી મહિલાને નેતૃત્વ કરતી પોસ્ટ આપવાનો વિરોધ કર્યો હતો.

ભારતીય પિતાની સંતાન

વિદેશ સેવાના જાર્જટાઉન યૂનિવર્સિટી સ્કૂલથી ગ્રેજ્યુએટ ઉજરાનો જન્મ અમેરિકામાં જ થયો હતો અને તેના પિતા ભારતીય છે. ઉજરાએ 25 વર્ષથી વધુ વિદેશ વિભાગમાં પોતાની સેવાઓ આપી છે. તેમણે 1990માં વિદેશ સેવા જોઈન કરી હતી. આ દરમ્યાન તેઓ નવી દિલ્હી, મસ્કટ, દમિશ્ક, કાહિરા અને કિંગ્સ્ટન જેવી પ્રમુખ જગ્યાઓ પર નિયુક્ત રહી છે.

2011થી 2012 સુધી વિદેશ ઉપમંત્રીની ચીફ ઑફ સ્ટાફ રહી અને આ દરમ્યાન અરબ ક્રાંતિને લઈ અમેરિકી પ્રતિક્રિયાને શક્લ આપનાર પ્રમુખ નામમાં રહી. 2012થી 2014 સુધી ઉજરા જેયા લોકતંત્ર, માનવાધિકાર અને શ્રમ મામલાની કાર્યકારી સહાયક સચિવ અને ઉપ સહાયક સચિવ રહી.

English summary

meet Ujara Jaya, who has been selected in joe biden team