કોંગોમાં વિસ્થાપિત શિબિર પર મિલિશિયાનો હુમલો, 60 લોકોના મોત!

ડેમોક્રેટિક રિપબ્લિક ઓફ કોંગોમાં મિલિશિયા હુમલામાં ઓછામાં ઓછા 60 લોકો માર્યા ગયા છે.

નવી દિલ્હી, 2 ફેબ્રુઆરી : ડેમોક્રેટિક રિપબ્લિક ઓફ કોંગોમાં મિલિશિયા હુમલામાં ઓછામાં ઓછા 60 લોકો માર્યા ગયા છે. સ્થાનિક માનવતાવાદી જૂથના વડા અને એક પ્રત્યક્ષદર્શીએ જણાવ્યું હતું કે હુમલો બુધવારે સવારે પૂર્વી કોંગોમાં વિસ્થાપિત લોકોની શિબિરમાં થયો હતો. તમને જણાવી દઈએ કે કોંગોનો પૂર્વીય વિસ્તાર ઘણા સમયથી અશાંત છે.

રોઇટર્સના અહેવાલ મુજબ, સ્થાનિક સૂત્રોએ આ હુમલા પાછળ કોડેકો મિલિશિયાને જવાબદાર ઠેરવ્યું છે. યુનાઇટેડ નેશન્સ અનુસાર, કોડેકો લડવૈયાઓએ તાજેતરના વર્ષોમાં ઇતુરીમાં સેંકડો નાગરિકોની હત્યા કરી છે અને હજારોને તેમના ઘર છોડીને ભાગી જવાની ફરજ પાડી છે. તાજેતરના હુમલાઓએ વિસ્થાપિત વ્યક્તિઓના કેમ્પોને પણ નિશાન બનાવ્યા છે.

કેમ્પના રહેવાસી લોકાના બલે લુસાએ કહ્યું કે, જ્યારે મેં ગોળીબારનો અવાજ સાંભળ્યો ત્યારે હું પથારીમાં હતો. જ્યારે મેં બહાર જોયું, ત્યારે મને સમજાયું કે તે કોડકો મિલિશિયામેન હતા, જેમણે અમારી છાવણી પર આક્રમણ કર્યું હતું. અમે 60 થી વધુ મૃતદેહોની ગણતરી કરી છે. સ્થાનિક માનવતાવાદી જૂથના પ્રમુખ ચરિટે બંજા બાવીએ મૃત્યુઆંક 63 કહ્યો છે. કેટલાક અન્ય લોકોએ પણ મૃત્યુઆંક 60 થી વધુ હોવાનો દાવો કર્યો છે.

English summary

Militia attack on displaced camp in Congo, 60 killed!