પાકિસ્તાનના પીએમ શાહબાઝ શરીફની સિક્રેટ વાતચીત થઇ લીક, ડાર્ક વેબ પર થઇ રહી છે હરાજી

નેતાઓ વચ્ચેની 'ગુપ્ત' વાતચીતનો ઓડિયો લીક થવાને કારણે પાકિસ્તાનમાં ખળભળાટ મચી ગયો છે. પીટીઆઈના નેતા ફવાદ ચૌધરીએ દાવો કર્યો છે કે વડાપ્રધાનના આવાસની અંદર એક અજાણ્યા વ્યક્તિ દ્વારા 115 કલાકનું રેકોર્ડિંગ કર્યા બાદ તેને ડાર્ક વેબ પર હરાજી માટે મૂકવામાં આવ્યું હતું. વિવાદાસ્પદ લીક થયેલા ઓડિયોમાં પાકિસ્તાન મુસ્લિમ લીગ-એનના ઉપાધ્યક્ષ મરિયમ, સંરક્ષણ પ્રધાન ખ્વાજા આસિફ, કાયદા પ્રધાન આઝમ તરાર, ગૃહ પ્રધાન રાણા સનાઉલ્લાહ અને પૂર્વ NA પ્રમુખ અયાઝ સાદિક અને વડા પ્રધાન શાહબાઝ શરીફ વચ્ચેની વાતચીત બતાવવામાં આવી છે. આ ખુલાસા બાદ દેશમાં સાયબર સુરક્ષાને લઈને સવાલો ઉભા થયા છે.

ડાર્ક વેબ પર હરાજી

પાકિસ્તાન તહરીક-એ-ઈન્સાફના નેતા ફવાદ ચૌધરીએ દાવો કર્યો છે કે લીક થયેલી ઓડિયો ક્લિપને ડાર્ક વેબ પર 3,50,000 ડોલર (પાકિસ્તાની ચલણમાં 8.53 કરોડ અને ભારતીય ચલણમાં 2.84 કરોડ)માં હરાજી માટે મૂકવામાં આવી છે. આ ઓડિયો કોણે હરાજી પર મૂક્યો છે તે હજુ સુધી જાણી શકાયું નથી. મીડિયા સાથે વાત કરતા ચૌધરીએ કહ્યું કે વડાપ્રધાન કાર્યાલય (PMO) સુરક્ષિત નથી. તેમણે કહ્યું કે ઓડિયો લીકથી એ વાતની પુષ્ટિ થઈ છે કે પીટીઆઈ નેતાના રાજીનામા અંગેના નિર્ણયો લંડનમાં લેવામાં આવ્યા હતા. તેમણે એમ પણ કહ્યું કે, 'PMOનો ઓડિયો લીક થવો એ સુરક્ષા એજન્સીઓની મોટી નિષ્ફળતા છે.'

મરીયમની શરીફ સાથેની વાતચિત વાયરલ

ડોનના અહેવાલ મુજબ, પ્રથમ ક્લિપમાં કથિત રીતે પીએમએલ-એનના ઉપાધ્યક્ષ મરિયમ અને પીએમ શહેબાઝ વચ્ચે દેશના નાણાં પ્રધાન મિફ્તા ઈસ્માઈલ વિશે કથિત રીતે વાતચીત કરવામાં આવી હતી. મિફ્તા ઈસ્માઈલને આર્થિક સુધારણા માટે કડક પગલાં લેવા બદલ પાર્ટીની અંદરથી ટીકાઓનો સામનો કરવો પડ્યો છે. ત્રણ વખતના વડા પ્રધાન નવાઝ શરીફની પુત્રી મરિયમનો સરકારમાં નોંધપાત્ર પ્રભાવ છે અને તે ઈસ્માઈલની ટીકા કરે છે. અન્ય એક ઓડિયોમાં મરિયમ તેના જમાઈ મુનીર ચૌધરીની પણ પ્રશંસા કરી રહી છે અને પીએમને પૂછે છે કે તેણે મીડિયાને કેવી રીતે નિયંત્રિત કર્યું છે.

નાણામંત્રીની ફરીયાદ કરી રહી છે મરીયમ

આ સાથે મરિયમને એમાં કહેતા સાંભળી શકાય છે કે, 'તે (ઈસ્માઈલ) જવાબદારી લેતા નથી. ટીવી પર અજીબોગરીબ વાતો કહે છે, જેના માટે લોકો તેની મજાક ઉડાવે છે. આ દરમિયાન વડાપ્રધાન શાહબાઝનો અવાજ સંભળાય છે. મરિયમ એમ કહેતી સંભળાય છે, 'અંકલ, તેને ખબર નથી કે તે શું કરી રહી છે.' આ સાથે, તે પીએમએલ-એનના દિગ્ગજ નેતા ઈશાક ડારની વાપસી માટે પણ ઈચ્છે છે, જેમને નાણા મંત્રાલયનો હવાલો લેવા માટે આવતા અઠવાડિયે પાછા ફરવાનું કહેવામાં આવ્યું છે.

પીટીઆઇના નેતા ફવાદ ચૌધરીએ કરી આલોચના

બંને ક્લિપ પહેલાની એક ક્લિપમાં, વડા પ્રધાન શાહબાઝ અને એક અજાણ્યા અધિકારી મરિયમની ઈચ્છા વિશે વાત કરતા સાંભળવામાં આવે છે કે તેમના સંબંધીને ભારતમાંથી પાવર પ્લાન્ટ આયાત કરવાની મંજૂરી આપવામાં આવે. મરિયમ અનુસાર, ભારત નજીક છે, તેથી તેની કિંમત ઓછી હશે. જો કે, અધિકારીઓ પીએમને સમજાવતા જોવા મળે છે કે જો આ મામલો બહાર આવશે તો વિપક્ષ હંગામો મચાવશે. આ પહેલા પીટીઆઈના નેતા ફવાદ ચૌધરીએ મરિયમ નવાઝની ટીકા કરતા કહ્યું હતું કે તે સાર્વજનિક રીતે તેલના ભાવમાં વધારાનો વિરોધ કરી રહી છે પરંતુ લીક થયેલા ઓડિયોમાં તેનું સમર્થન કરી રહી છે.

ઓડિયો લીક સામે તપાસ શરૂ

નાણામંત્રીને હટાવવા અંગે પીટીઆઈના નેતા ફવાદ ચૌધરીએ કહ્યું કે મરિયમ નવાઝ માત્ર ઈશાક ડારને પરત લાવવા માટે મિફ્તા ઈસ્માઈલને બદનામ કરી રહી છે. તેમણે કહ્યું કે ઈસ્માઈલે લાંબા સમય સુધી પીએમએલ-એનની સેવા કરી હતી, પરંતુ તેમની સાથે અપમાનજનક વ્યવહાર કરવામાં આવ્યો હતો. દરમિયાન, પાકિસ્તાનના ગૃહમંત્રી રાણા સનાઉલ્લાહે કહ્યું કે પીએમ શરીફે ઓડિયો લીક અંગે સંજ્ઞાન લીધું છે અને તપાસ શરૂ કરી દેવામાં આવી છે. સનાઉલ્લાહે કહ્યું કે લીક થયેલા ઓડિયોની તપાસમાં તમામ એજન્સીઓના ઉચ્ચ સ્તરીય અધિકારીઓ સામેલ થશે. એઆરવાય ન્યૂઝના અહેવાલ મુજબ, તેમણે વધુમાં કહ્યું કે તપાસમાં ખબર પડશે કે પીએમ નિવાસની સુરક્ષાનો ભંગ થયો છે કે નહીં.

English summary

Pakistan PM Shahbaz Sharif's secret conversation leaked, auctioning on dark web