Pak: દેવું પૂરું કરવા માટે હવે સંપત્તિ વેચવાની તૈયારી

પાકિસ્તાન પર દેવાનો બોજ વધતો જઈ રહ્યો છે. હવે એવી પરિસ્થિતિ આવી છે કે તેમનાથી આ દેવું પૂરું થઇ રહ્યું નથી. અગાઉ તેણે સાઉદી અરેબિયામાંથી ઉધારનું તેલ મેળવવાનો પ્રયાસ કર્યો હતો.

Updated: Friday, March 22, 2019, 17:03 [IST]

પાકિસ્તાન પર દેવાનો બોજ વધતો જઈ રહ્યો છે. હવે એવી પરિસ્થિતિ આવી છે કે તેમનાથી આ દેવું પૂરું થઇ રહ્યું નથી. અગાઉ તેણે સાઉદી અરેબિયામાંથી ઉધારનું તેલ મેળવવાનો પ્રયાસ કર્યો હતો, પરંતુ આ પ્રયાસ નિરર્થક સાબિત થયો. હવે સરકારે નિર્ણય લીધો છે કે તે બધી સરકારી સંપત્તિઓ વેચશે જેનો ઉપયોગ થઈ રહ્યો નથી. આમાંથી મળેલા પૈસા દેવું ચુકવવામાં વાપરવામાં આવશે. હાલમાં, પાકિસ્તાન પર લગભગ 27,000 અબજ પાકિસ્તાની રૂપિયાની સમકક્ષ દેવું છે. આ દેવાની મૂળ રકમ તો દૂર પણ આ સમયે પાકિસ્તાન તેનું વ્યાજ ચુકવવામાં પણ મુશ્કેલી અનુભવી રહ્યું છે.

આ પણ વાંચો: પાકને અમેરિકાની ચેતવણીઃ હવે ભારત પર હુમલો થયો તો 'બહુ મુશ્કેલ' થઈ જશે

મીડિયામાં આવી જાણકારી

આ માહિતી પાક મીડિયાની રિપોર્ટમાં આપવામાં આવી છે. આ રિપોર્ટ અનુસાર આ નિર્ણય મંગળવારે વડાપ્રધાન ઇમરાન ખાનની અધ્યક્ષતા હેઠળ કેબિનેટ મીટિંગમાં લેવામાં આવ્યો હતો. તેમાં 27,000 અબજ પાકિસ્તાની રૂપિયાની સમકક્ષ દેવાનો સામનો કરવા કટોકટીના પગલાં લેવાનો નિર્ણય લેવામાં આવ્યો છે.

ડૉનએ આપી માહિતી

ડૉન પાકિસ્તાનની સૌથી ચર્ચિત મીડિયા હાઉસએ આ વિશેની માહિતી છાપી છે. આમાં સૂચના મંત્રી ફવાદ ચૌધરી દ્વારા એવું કહેવામાં આવ્યું છે કે ફક્ત મંત્રાલયો અને સંબંધિત વિભાગોની મિલકત જ વેચવામાં આવશે જેનો ઉપયોગ થતો નથી અને પડી રહી છે. અખબાર ડૉન તેમના વતી લખે છે કે વડા પ્રધાન ઇમરાન ખાનએ આવી સંપત્તિઓની સૂચિ માંગી છે. આ પછી, પ્રાઇવેટ મેનેજમેન્ટ કંપનીની રચના ખાનગીકરણ મંત્રાલયની વતી વેચાણ માટે કરવામાં આવી છે.

45 હજાર સંપત્તિની લિસ્ટ તૈયાર

તો એક્સપ્રેસ ટ્રિબ્યુન અખબાર દ્વારા એક રિપોર્ટ અનુસાર 45,000 થી વધુ સંપત્તિઓની સૂચિ મંત્રાલયો દ્વારા ખાનગીકરણ પંચને ઉપલબ્ધ કરવામાં આવી છે. જો કે, તેમાંના મોટા ભાગના વચ્ચે વિવાદ છે. રિપોર્ટ અનુસાર નિયમોમાં છૂટછાટ હોવા છતાં, સંપત્તિઓના પ્રથમ વેચાણમાં ઓછામાં ઓછા છ મહિનાનો સમય લાગી શકે છે. પાકિસ્તાન સરકાર આશા રાખે છે કે આ પ્રયાસ દેવાના બોજને ઘટાડવામાં મદદ કરશે.