એક એવું રેસ્ટોરાં જેને ચલાવે છે રોબોટ

લંડન, 16 જાન્યુઆરીઃ અત્યાર સુધી આપણે જે રેસ્ટોરાંમાં ગયા હોઇએ તે ઇલેક્ટ્રોનિક વસ્તુઓના ઉપયોગથી માનવી દ્વારા ચલાવવામાં આવતા હોય તેવાં જ જોવા મળ્યા છે, પરંતુ ચીનમાં એક એવું રેસ્ટોરાં બનાવવામાં આવ્યું છે , જે કોઇ માનવી નહીં પરંતુ રોબેટ દ્વારા ચલાવવામાં આવે છે. આ રોબોટ ગ્રાહકોનું મનોરંજન કરવાની સાથો-સાથ ખાવાનું બનાવે છે અને ગ્રાહકોને પીરસે પણ છે. એટલું જ નહીં પરંતુ ગ્રાહકોએ આ રોબોટને ટીપ આપવાની પણ જરૂર નથી.

ચીનમાં આવેલા આ રેસ્ટોરાંમાં 18 પ્રકારના રોબોટ રાખવામાં આવ્યા છે. જેમાં કેટલાક રોબોટનું કામ માત્ર ખાવાનું બનાવવાનું છે, તો કેટલાક રોબોટનું કામ ગ્રાહકો સુધી ખાવાનું પહોંચાડવાનું છે.

સમચાર પત્ર ડેલી મેલમાં છપાયેલા એક અહેવાલ અનુસાર એક રોબોટને રિસેપ્શન પર પણ ઉભો રાખવામાં આવ્યો છે. ગ્રાહકો જેવા રેસ્ટોરાંમાં આવે છે, તે આવનારા ગ્રાહકોને કહેં છે કે, હેલો, આપનું રોબોટ રેસ્ટોરામાં સ્વાગત છે અને જ્યારે ગ્રાહક ખાવાનું ખાઇ રહ્યાં હોય છે ત્યારે એક રોબોટ ગીત ગાયને તેમનું મનોરંજન પણ કરે છે. આ રોબોટને એક ચાઇનીઝ કંપની દ્વારા તૈયાર કરવામાં આવ્યા છે.

મુખ્ય એન્જીનીયર લિયૂ હશેંગે જણાવ્યા પ્રમાણે આ રોબોટ રેસ્ટોરાંને બનાવવામાં 80 લાખ ડોલરની રકમ ખર્ચવામાં આવી છે. બે કલાક સુધી ચાર્જ કર્યા બાદ આ રોબોટ પાંચ કલાક સુધી કામ કરી શકે છે.

English summary

Robot Restaurant in Harbin, China, has gained fame by using robots to cook meals and deliver dishes.