'ભારતના દુશ્મનને હથિયાર નહીં આપે રશિયા'

નવી દિલ્હી, 15 ઓક્ટોબર: રશિયાએ ભારતને આશ્વાસન આપ્યુ છે કે તે તેના દુશ્મન દેશોને હથિયાર નહીં આપે. આ ઉપરાંત ભારતની મુલાકાત માટે આવેલા રશિયાના ઉપ પ્રધાનમંત્રી દમિત્રી રોગોઝીને નવા માલવાહક વિમાન અને ટેંકોના નિર્ણામની સાથે રક્ષા ઉત્પાદનના ક્ષેત્રમાં મદદને વધારવાના પણ સંકેત આપ્યા હતા.

શું રશિયા પાકિસ્તાનને પણ હથિયારો વેચશે એવા એક પ્રશ્નના જવાબમાં રોગોઝિને કહ્યું કે ' તમારે સમજવું જોઇએ કે અમે તમારા દુશ્મન દેશની સાથે સોદો નથી કરતા.. અને તમને એવું લાગે ત્યારે તમે મારા મોઢા પર થૂંકી નાખજો' તેમણે જણાવ્યું કે રશિયાને ભારતને હથિયાર આપવામાં કોઇ પ્રતિબંધ નથી કારણ કે અમારા સંબંધોમાં કોઇ વિરોધાભાસ નથી.

તેમણે જણાવ્યું કે 'બીજા દેશોની સરખામણીમાં અમે ક્યારેય ભારતની સરહદો પર ક્યારેય સમસ્યા પેદા કરી નથી, કારણ કે ભારત મિત્ર દેશ હોવાનો રશિયાને રાજનૈતિક લાભ છે.' રશિયન નેતાએ જણાવ્યું કે 'રશિયા છ ટન વજન ઉઠાવનાર વિમાન અને યુદ્ધક ટેન્કના નિર્માણમાં ભારત સાથે સહયોગ કરવા માટે તૈયાર છે.'

English summary

“We are always cooperating with India to ensure safety of the region. We never created trouble for India in the region as compared to other countries. If someone says otherwise, spit in his face,” Russian Deputy Prime Minister Dmitry Rogozin replied on being asked whether Russia was planning to sell arms to Pakistan.