રશિયા પૂર્વીય યુક્રેનમાં સેના મોકલશે, UNએ આપાતકાલીન બેઠક બોલાવી
રશિયા પૂર્વીય યુક્રેનમાં સેના મોકલશે, UNએ આપાતકાલીન બેઠક બોલાવી
રશિયાના રાષ્ટ્રપતિ વ્લાદિમિર પુતિને ગતરાત્રે ટેલિવિઝન પર રાષ્ટ્રને સંબોધિત કર્યું હતું, જેમાં તેમણે કહ્યું કે, રશિયન સેના પૂર્વ યુરોપમાં દાખલ થશે અને અલગતાવાદી ક્ષેત્રોમાં શાંતિ સ્થાપવાનું કામ કરશે.
રાષ્ટ્રપતિના આદેશાનુસાર રશિયન સેનાઓ લુહાન્સ્ક અને દોનેત્સ્કમાં શાંતિ સ્થાપવાનું કામ કરશે.
રાષ્ટ્રપતિ પુતિને યુક્રેનનાં બે અલગતાવાદી વિસ્તારો દોનેત્સ્ક અને લુહાન્સ્કને માન્યતા આપી દીધી છે. તેમનું નિયંત્રણ રશિયા સમર્થિત અલગતાવાદીઓ કરી રહ્યા છે.
પુતિને યુક્રેનની નિંદા કરતાં કહ્યું કે, "ત્યાં એક કઠપૂતળી શાસન છે અને યુક્રેન અમેરિકાની કૉલોની બની ગયું છે."
તેમણે દાવો પણ કર્યો હતો કે, "યુક્રેન એક અલગ દેશ હોય તેવો કોઇ ઇતિહાસ નથી અને આધુનિક યુક્રેનનું જે સ્વરૂપ છે, તે રશિયાએ બનાવેલું છે."
વ્લાદિમીર પુતિનના રાષ્ટ્રજોગ સંબોધન બાદ તેમણે ઘણા મહત્વના દસ્તાવેજો પર હસ્તાક્ષર કર્યા હતા.
- રશિયા- યુક્રેન વચ્ચેના સંઘર્ષમાં જેની ચર્ચા થઈ રહી છે તે 'હાઇબ્રિડ વૉર’ શું છે?
- ગુજરાતીઓ વિઝા વિના કેવી રીતે અમેરિકા પહોંચે છે?
યુક્રેનની પ્રતિક્રિયા
વ્લાદિમિર પુતિને રાષ્ટ્રજોગ સંબોધન કર્યું તેના ગણતરીના કલાકોમાં યુક્રેનના રાષ્ટ્રપતિએ પણ રાષ્ટ્રને સંબોધિત કર્યું હતું.
પોતાના સંબોધનમાં રાષ્ટ્રપતિ ઝૅલેન્સ્કીએ કહ્યું કે," રશિયાની કાર્યવાહી યુક્રેનની અખંડિતતા અને સંપ્રભુતાનું ઉલ્લંઘન છે."
તેમણે કહ્યું કે, "આપણી સીમાઓ પહેલાં જેવી જ છે અને તેવી જ રહેશે. કારણ કે રશિયાનાં નિવેદનોથી કોઈ ફરક નથી પડતો."
જ્યારે યુક્રેનના વિદેશમંત્રી દિમિત્રો કુલેબાએ રશિયા પર કડક પ્રતિબંધ લાદવાની માગ કરી છે.
તેમણે કહ્યું કે, "અમેરિકાના વિદેશમંત્રી ઍન્ટની બ્લિંકન સાથે વૉશિંગ્ટનમાં થનારી મુલાકાત પહેલાં તેમણે તેમની સાથે વાત કરી છે."
ટ્વિટરના માધ્યમથી તેમણે જણાવ્યું કે, “મુખ્ય વિષય – પ્રતિબંધ. હું રશિયાની ગેરકાયેદસર કાર્યવાહીના વિરોધમાં તેમના પર કડક પ્રતિબંધોની માગ કરું છું.”
- રશિયા-યુક્રેન સંકટ : શું છે ફૉલ્સ ફ્લૅગ અભિયાન જેને લઈને આશંકા વ્યક્ત કરવામાં આવી છે
- યુક્રેનનો એ ભાગ જેને કબજે કરવા સદીઓ સુધી સામ્રાજ્યો વચ્ચે હરિફાઈ જામતી રહી
આંતરરાષ્ટ્રીય પ્રતિક્રિયા
બ્રિટનના વડા પ્રધાન બોરિસ જોનસને કહ્યું કે, "રશિયાનું આ વલણ યુક્રેનની સંપ્રભુતા અને તેમની એકતાનું ઘોર ઉલ્લંઘન છે."
બ્રિટિશ વડા પ્રધાને કહ્યું કે, "રશિયા આમ કરીને આંતરરાષ્ટ્રીય નિયમોને બાજુમાં મૂકી રહ્યું છે. બ્રિટિશ વડા પ્રધાને તેને ખૂબ જ ખોટા અને અંધકાર તરફ લઇ જવાનાં સંકેત ગણાવ્યા."
યુરોપીયન યુનિયને યુક્રેન સાથે ખડેપગે ઊભા રહેવાની પ્રતિબદ્ધતા દર્શાવતા કહ્યું કે, "એકજુટતા અને મજબૂતીથી જવાબ આપવામાં આવશે."
ઑસ્ટ્રેલિયાના વડા પ્રધાન સ્કૉટ મૉરિસને આ વાતને રદિયો આપ્યો છે કે, રશિયન સેના દોનેત્સ્ક અને લુહાન્સ્કમાં શાંતિ સ્થાપિત કરવાનું કાર્ય કરશે. તેમણે પત્રકારોને આ વાત બકવાસ હોવાનું જણાવ્યું હતું.
સંયુક્ત રાષ્ટ્ર સુરક્ષા પરિષદની આપાતકાલીન બેઠક
રશિયાની યુક્રેનમાં સેના મોકલવાની જાહેરાત બાદ સંયુક્ત રાષ્ટ્ર સુરક્ષા પરિષદે એક આપાતકાલીન બેઠક બોલાવી છે જે શરૂ થઈ ગઈ છે.
આ બેઠક ન્યૂયૉર્કમા મંગળવારે સવારે સાડા સાત કલાકે યોજાશે. આ બેઠક ઘણા દેશોનાં અનુરોધ બાદ યોજાવા જઈ રહી છે. યુક્રેને પત્રના માઘ્યમથી માગ કરી છે કે, તેમનો પણ એક પ્રતિનિધિ આ બેઠકમાં શામેલ થાય.
જોકે, યુક્રેન સંયુક્ત રાષ્ટ્ર સુરક્ષા પરિષદનાં સદસ્ય દેશોમાં શામેલ નથી પરંતુ રશિયા આ પરિષદનું સ્થાયી સદસ્ય છે અને અન્ય સ્થાયી સદસ્યોની જેમ તેની પાસે પણ વીટો પાવર છે.
એવામાં સ્પષ્ટ નથી કે આ બેઠકનું પરિણામ શું હશે.
- કોરોના વાઇરસની દવા મળી, જે બચાવી રહી છે લોકોના જીવ
- કોરોના વાઇરસનાં લક્ષણો શું છે અને કેવી રીતે બચી શકાય?
- કોરોના વાઇરસ દૂધની થેલી અને શાકભાજી પર કેટલું જીવે છે?
- કોરોના વાઇરસનો ચેપ આખરે કયા પશુમાંથી ફેલાયો?
https://www.youtube.com/watch?v=yUwejY1AQ-I
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો