ઓસ્ટ્રેલિયન પ્રધાનમંત્રી પર ફેંકાઇ સેન્ડવીચ, જુઓ વીડિયો

Published: Thursday, May 30, 2013, 13:09 [IST]

મેલબોર્ન, 30 મે : ઓસ્ટ્રેલિયન પ્રધાનમંત્રી જૂલિયા ગિલાર્ડ પર કૈનબરાની એક સ્કૂલમાં સેન્ડવિચ ફેંકવામાં આવી, આ ઘટના આજે 30 મે, સવારે 10 વાગ્યાની છે. ગિલાર્ડે આ ઘટનાને મજાકમાં લેતા કહ્યું કે સેન્ડવીચ ફેંકનારે કદાચ એવું વિચાર્યું હશે કે હું ભૂખી હોઇશ.

મીડિયા રિપોર્ટ અનુસાર ગિલાર્ડ કૈનબરામાં એક હાઇસ્કૂલની મુલાકાતે ગઇ હતી, અત્રે તેમની પર પાછળથી કોઇએ સેન્ડવીચ ફેંકી હતી. જોકે સેન્ડવીચ તેમની પરની પરંતુ તેમના પગ પર આવીને પડી હતી. જોકે સેન્ડવીચ ફેંકનારની હજી સુધી ઓળખાણ થઇ શકી નહી.

જ્યારે ઓસ્ટ્રેલિયન પ્રધાનમંત્રીને એવું પૂછવામાં આવ્યું કે તેઓ આ ઘટનાથી નારાજ છે, તો ગિલાર્ડે મજાકિયા અંદાજમાં જણાવ્યું કે સેન્ડવીચ ફેંકનારે કદાચ એવું વિચાર્યું હશે કે હું ભૂખી હોઇશ.

અત્રે ઉલ્લેખનીય છે કે ઓસ્ટ્રેલિયન પ્રધાનમંત્રી જૂલિયા ગિલાર્ડ પર સેન્ડવીચ ફેંકાવાની આ બીજી ઘટના છે. આ મહિનામાં જ એક સ્કૂલમાં તેમની પર સેન્ડવીચ ફેંકવામાં આવી હતી. આ ઘટનાને લઇને 16 વર્ષિય એક વિદ્યાર્થીને 15 દિવસ માટે સસ્પેન્ડ કરી દેવાયો હતો.

કેવી રીતે ફેંકાઇ જૂલિયા ગિલાર્ડ પર સેન્ડવીચ જુઓ વીડિયોમાં..

Published On May 30, 2013