વુહાનથી કોરોના લીક થયાની થિયરી નકારનારા વૈજ્ઞાનિકો ચીનના એજન્ટ?

ચીનની લેબોરેટરીમાંથી કોરોના વાયરસ લીક થયાના રિપોર્ટને ફગાવી દેનાર વૈજ્ઞાનિકો ચીનના એજન્ટ હોવાનું બહાર આવ્યું છે. મીડિયા રિપોર્ટ્સ અનુસાર, આ એ વૈજ્ઞાનિકો છે જેને ચીનની વુહાન ઇન્સ્ટિટ્યૂટ ઓફ વાયરોલોજીમાંથી કોવિડ લીક થવાના સિદ્ધાંતને નકાર્યો હતો. ધ ટેલિગ્રાફે અહેવાલ આપ્યો છે કે, ગયા વર્ષે 7 માર્ચે ધ લૈસેંટમાં અહેવાલ પ્રકાશિત કરનારા વૈજ્ઞાનિકોએ લેબ લીક થિયરીનું ખંડન કરી તેના પર હસ્તાક્ષર કર્યા હતા, હવે તે ખુલાસો થયો છે કે તે વુહાન લેબના સંશોધકો છે.

27 વૈજ્ઞાનિકોએ અહેવાલ પ્રકાશિત કર્યો હતો

તમને જણાવી દઈએ કે વિશ્વભરના પ્રખ્યાત વૈજ્ઞાનિકોએ ચીનની વુહાન લેબમાંથી કોરોના વાયરસ લીક થયાનો દાવો કર્યો છે અને તે દાવાઓને રદિયો આપવા માટે 27 વૈજ્ઞાનિકોએ વિશ્વની પ્રખ્યાત અને પ્રતિષ્ઠિત વિજ્ઞાન જર્નલ લૈસેંટમાં સહી સાથે એક અહેવાલ પ્રકાશિત કર્યો હતો. આ અહેવાલ બ્રિટિશ પ્રાણીશાસ્ત્રી પીટર દાસઝકના નેતૃત્વમાં પ્રકાશિત કરવામાં આવ્યો હતો. જર્નલ લૈસેંટમાં પ્રકાશિત થયેલા આ અહેવાલ બા એ ચર્ચા બંધ થઈ ગઈ હતી કે, કોરોના વાયરસ લેબમાંથી ઉદ્ભવ્યો છે અને શું ચીને કોરોના વાયરસ સાથે છેડછાડ કરી છે. પરંતુ હવે સામે આવ્યું છે કે બ્રિટિશ વૈજ્ઞાનિક દસઝક, જેમના નેતૃત્વમાં અહેવાલ લૈસેંટમાં પ્રકાશિત થયો હતો, તે અમેરિકા સ્થિત એનજીઓ ઇકોહેલ્થ એલાયન્સના પ્રમુખ છે, જેનો ચીનની વુહાન લેબ સાથે સીધો સબંધ છે. સૌથી આશ્ચર્યજનક બાબત એ છે કે આ NGO એ વુહાન લેબને આર્થિક મદદ પણ કરી હતી. તમને જણાવી દઈએ કે લૈસેંટમાં 27 વૈજ્ઞાનિકોએ પ્રકાશિત કરેલા રિપોર્ટમાં વુહાન લેબ દ્વારા ષડયંત્રના આરોપોને ફગાવી આલોચના કરી હતી.

આ 27 વૈજ્ઞાનિકો ચીનના એજન્ટ હોવાનો ખુલાસો

આ તમામ સનસનીખેજ માહિતી અમેરિકામાં ફ્રીડમ ઓફ ઇન્ફર્મેશન રિક્વેસ્ટના આધારે કાઢવામાં આવી છે, જે દર્શાવે છે કે કેવી રીતે ચીનના એજન્ટ 27 વૈજ્ઞાનિકોએ વિશ્વને છેતરવાનો પ્રયાસ કર્યો છે. રિપોર્ટ અનુસાર, બ્રિટિશ વૈજ્ઞાનિક દસઝેક દ્વારા 8 ફેબ્રુઆરીએ મોકલવામાં આવેલા એક ઇમેઇલમાં સપોર્ટ માટે લખવાની વિનંતી કરવામાં આવી હતી. વૈજ્ઞાનિક દસઝેક દ્વારા જર્નલ લૈસૈંટમાં પ્રકાશિત થયેલા અહેવાલમાં તેમણે ઉલ્લેખ કર્યો નથી કે તેમનો ઇકોહેલ્થ એલાયન્સ સાથે કોઈ સંબંધ છે કે કેમ. આ સાથે 5 વધુ વૈજ્ઞાનિકો જેમણે લેબ લીક થિયરીને નકારી હતી તે પણ સમાન એનજીઓ ઇકોહેલ્થ એલાયન્સ સાથે લિંક ધરાવે છે અને તે અહીં પહેલા પણ કામ કરી ચૂક્યા છે. આ ઉપરાંત, ધ લૈસૈંટમાં હસ્તાક્ષર કરનાર ત્રણ વૈજ્ઞાનિક બ્રિટનના વેલકમ ટ્રસ્ટના હતા, જેણે વુહાન લેબમાં સંશોધન માટે ભંડોળ પૂરું પાડ્યું હતું.

અમેરિકાની મિલિભગત?

ચાઇનીઝ શહેર વુહાનમાં કોવિડ-19 ની પુષ્ઠી થયાના લગભગ બે વર્ષ બાદ વાયરસની ઉત્પત્તિ વિશેના અનેકક પ્રશ્નો વણઉકેલ્યા છે. આ મુદ્દે વૈશ્વિક સ્તરે અનેક દાવા કરવામાં આવ્યા છે. તાજેતરનો યુએસ ઇન્ટેલિજન્સ રિપોર્ટ પણ કોરોના વાયરસ મનુષ્યમાં કુદરતી રીતે આવ્યો કે પ્રયોગશાળામાંથી આવ્યો તે અંગે ચોક્કસ તારણ કાઢવામાં સમર્થ નથી. આ દરમિયાન અમેરિકાની સંડોવણીના દાવાઓ પણ મજબૂત રહ્યા છે. ઓસ્ટ્રેલિયાના તપાસકર્તા પત્રકાર શારી માર્ક્સનનું નવું પુસ્તક દાવો કરે છે કે કુખ્યાત વુહાન વાયરોલોજી લેબને યુએસ દ્વારા ભંડોળ પૂરું પાડવામાં આવ્યું હતું. પુસ્તકમાં એવો પણ દાવો કરવામાં આવ્યો છે કે રોગોને વધુ શક્તિશાળી બનાવવાના વિવાદાસ્પદ સંશોધનને અમેરિકાના ટોચના ચેપી રોગ નિષ્ણાત એન્થની ફૌસીએ ટેકો આપ્યો હતો.

English summary

Scientists who reject the theory that Corona leaked from Wuhan Lab are Chinese agents!