ટાઈટેનિક જોવા ગયેલી સબમરીનનો કાટમાળ મળ્યો, ગમે ત્યારે ઔપચારીક જાહેરાત થઈ શકે
એટલાન્ટિક મહાસાગરમાં ટાઈટેનિક જહાજના કાટમાળ પાસે ગયેલી સબમરીન ગુમ થઈ તેને 96 કલાકથી વધારે સમય થઈ ગયો છે. આ સબમરીનમાં 5 લોક સવાર હતા. હવે અમેરિકન કોસ્ટગાર્ટને કેટલોક કાટમાળ મળી આવ્યો છે.
યુએસ કોસ્ટ ગાર્ડે જણાવ્યા અનુસાર, ટાઇટેનિક નજીક એક કાટમાળ મળ્યો છે. અનુમાન છે કે તે ગુમ થયેલી ટાઇટન સબમરીનનો હોઇ શકે છે. જો કે હજુ ઔપચારિક જાહેરાત કરવામાં આવી નથી.
યુએસ કોસ્ટ ગાર્ડના અહેવાલ અનુસાર, રિમોટલી ઓપરેટેડ વ્હીકલ દ્વારા કાટમાળની શોધ કરવામાં આવી છે. આ તપાસમાં સામેલ ટીમ કાટમાળની તપાસ કરી રહી છે.
અહીં તમને જણાવી દઈએ કે, ટાઈટેનિકનો કાટમાળ જોવા માટે લઈ ગયેલી સબમરીનને બચાવવાના પ્રયાસો ચાલુ છે. કેનેડાના એક અધિકારીએ જણાવ્યું કે, એક મેડિકલ ટીમ ઘટનાસ્થળે પહોંચી ગઈ છે.
ટાઈટન નામની આ સબમરીનનો રવિવારે સંપર્ક તુટી ગયો હતો. આ ઘટનાના 100 કલાક બાદ પણ હજુ તેનો પત્તો લાગ્યો નથી. આ સબમરીનમાં માત્ર 96 કલાક ચાલે તેટલો જ ઓક્સિજન હતો. હવે તેમાં સવાર લોકોના બચવાની સંભાવના નહીવત છે.
નિર્માતાઓનો દાવો છે કે, સબમરીનને એવી રીતે ડિઝાઇન કરવામાં આવી છે કે તે 24 કલાક પછી સપાટી પર પાછી આવી જાય. પરંતુ લગભગ 4 દિવસ વીતી જવા છતાં પણ સબમરીનનો પત્તો લાગ્યો નથી.
Click it and Unblock the Notifications
Sign in with Google
