ઓસ્ટ્રેલિયામાં ‘પોતાના’ કરે છે ભારતીયોનું શોષણ

મેલબર્ન, 17 સપ્ટેમ્બરઃ ઓસ્ટ્રેલિયામાં ભારતીય મૂળના એંપ્લોયર અને મેનેજરો દ્વારા સામાન્ય રીતે ભારતીય મૂળના કામદારોનું શોષણ કરવામાં આવે છે. અહીં અસ્થાયી વિઝા પર આવેલા આ કામદારોને કપરી પરિસ્થિતિમાં કામ કરવું પડે છે. એક સ્ટડીમાં આ વાત સામે આવી છે.

મેકક્વેરી યુનિવર્સિટી તરફથી કરવામાં આવેલી ત્રણ વર્ષની સ્ટડી ‘457 અસ્થાયી વર્ક વિઝા પર ભારતીયોનો કપરો અનુભવ'માં કહેવામાં આવ્યું છે કે, ભારતીય વિઝાધારકોને કામ મેળવવા માટે મુશ્કેલીઓનો સામનો કરવો પડે છે. સાથે જ નોકરી મેળવ્યા બાદ કાર્યસ્થળ પર તેમની સાથે સારો વ્યવહાર કરવામાં આવતો નથી.

યુનિયન વગરના અથવા તો નાના વ્યવસાયમાં કામ કરી રહેલા ભારતીયોને સૌથી વધારે મુશ્કેલીની સામનો કરવો પડે છે. તેમાં સૌથી વધારે ભારતીયોના માલિકાના હકવાળા રેસ્ટોરાં વિગેરે છે. સ્ડટીમાં કહેવામાં આવ્યું છે કે, સૌથી વધારે રેસ્ટોરાંમા કામ કરનારાનું શોષણ કરવામાં આવે છે. આ 457 વિઝા શ્રમીકોના મામલે ભારતીય એમ્પોલયરે પોતાના વ્યવહારનેને ઉચિત ઠેરવતા કહ્યું કે આ કામદારોને પોતાના દેશમાં પણ આ પ્રકારના વ્યવહારનો સામનો કરવો પડે છે.

સર્વમાં એ તથ્ય સામે આવ્યા છે કે, 40થી વધારે એવા લોકો જેમણે અહીં આવ્યા બાદ રોજગારી મેળવવા માટે ઓસ્ટ્રેલિયન ડોલર ખર્ચ કર્યા બાદ તેમને કહેવામાં આવ્યું કે, તેમને તેમની જરૂર નથી. આ કામદારોના શોષણની અનેક રીતો છે. તેમને અઠવાડિયાના સાતેય દિવસ કામ કરવામાં આવે છે. તેમને 18 કલાક સુધી કામ કરવું પડે છે અને બદલામાં ઓવરટાઇમ પર નથી આપવામાં આવતું નથી. તેમની પાસે એવું કામ કરાવવામાં આવે છે કે જેમાં તેઓ પ્રશિક્ષિત નથી. મેડિકલ સર્ટિફિકેટ આપ્યા પછી પણ તેમની વાર્ષિક રજામાં બિમારીની રજા કાપી લેવામાં આવે છે.

English summary

A new study has found that Australian employers and managers, often of Indian ethnicity, frequently exploit their fellow Indian blue-collar workers who come here on temporary visas and often face harsh working conditions.