ભારતીય યુગલને મળી ઓસ્ટ્રેલિયામા રહેવાની પરવાનગી
તેમ છતાં એવું જણાવવામાં આવે છે કે જો આ ઓથોરિટી ફડરલ સર્કિટ કોર્ટમાં અપીલ કરે તો બની શકે કે કદાચ આ યુગલને ડીપોર્ટેડ કરવામાં આવી શકે છે. આ યુગલ સિખ અને બેકવર્ડ હિન્દુ કાસ્ટમાંથી આવે છે. જેમણે 2007માં લગ્ન કરી લીધા હતા, પરંતુ યુવકના માતા-પિતાએ આ લગ્નનો સ્વિકાર કરવાનો ઇન્કાર કર્યો ત્યારથી બન્ને ભારતમાં અલગ રહી રહ્યાં હતા. 2008માં આ યુગલ ભારતથી ઓસ્ટ્રેલિયા આવી ગયું હતું અને ઓસ્ટ્રેલિયાના ડિપાર્ટમેન્ટ ઓફ ઇમિગ્રેશન અને સિટિઝનશીપ સમક્ષ તેમણે પ્રોટેક્શન વિઝા માટે અપીલ કરી હતી, જો કે તે સ્વિકારાઇ નહોતી, બાદમા યુગલ રેફ્યુજી રિવ્યુ ટ્રિબ્યુનલ સમક્ષ પોતાનો મુદ્દો લઇ ગયું હતું.
ટ્રિબ્યુનલે એ બાબત આગળ ધરીને તેમની અરજીનો અસ્વિકાર કર્યો હતો કે તેઓ ભારતના મોટા શહેર જેમ કે નવી દિલ્હી અને મુંબઇને પોતાનું રહેણાક સ્થળ બનાવી શકે છે. જો કે, યુવકે જણાવ્યું હતું કે તેનો પરિવાર રાજકારણ અને પોલીસમાં મોટી વગ ધરાવે છે, જેથી અમે ભારતમાં ગમે તે સ્થળે રહે તેનો પરિવાર અમને બન્નેને સહેલાયથી શોધી શકે છે. ત્યારબાદ ફેડરલ સર્કિટ કોર્ટે તેમના પક્ષમાં ચૂકાદો આપ્યો હતો.