US immigration news : અમેરિકન ઇમિગ્રન્ટ્સ માટે નવો નિયમ લાગુ, આ લોકોની વધી શકે છે મુશ્કેલી

US immigration news : યુનાઇટેડ સ્ટેટ્સના ઇમિગ્રેશન નિયમોમાં મોટા ફેરફાર કરવામાં આવ્યા છે. ડોનાલ્ડ ટ્રમ્પના વહીવટીતંત્રએ ગેરકાયદેસર ઇમિગ્રેશનને નિશાન બનાવતા એક નવું નિયમ લાગુ કર્યો છે, જે 1 એપ્રિલ 2025થી અમલમાં આવ્યો છે.

નવા નિયમના અનુસંધાને 30 દિવસથી વધુ સમય માટે અમેરિકામાં રહેતા તમામ વિદેશી નાગરિકોને ફેડરલ સરકારમાં ફરજિયાત નોંધણી કરાવવી પડશે, નહીં તો કાયદાકીય કાર્યવાહીનો સામનો કરવો પડી શકે છે.

નવો નિયમ અને મુખ્ય બાબતો

• નિયમ અમલમાં: 1 એપ્રિલ, 2025
• કોને અસર થશે? : યુએસમાં 30 દિવસથી વધુ સમય માટે રહેતા તમામ વિદેશી નાગરિકો પર નિયમ લાગુ પડશે.
• નોંધણી ફરજિયાત : જો કોઈ વ્યક્તિ 30 દિવસથી વધુ સમય માટે અમેરિકામાં રહે છે તો તેને ફેડરલ સરકારે આયોજિત વેબસાઈટ અથવા સરકારી કચેરીમાં પોતાનું રજિસ્ટ્રેશન કરાવવું ફરજિયાત છે.
• દસ્તાવેજો સાથે રાખવા ફરજિયાત : તમામ ઇમિગ્રન્ટોએ કાનૂની દસ્તાવેજો (જેમ કે વિઝા, પાસપોર્ટ, green card) સતત પોતાના સાથે રાખવાના રહેશે.
• ફોલો ના કરનાર માટે જોગવાઈ : જો આ નિયમનું પાલન કરવામાં નહીં આવે તો દંડ, જેલની સજા અને દેશનિકાલ થઈ શકે છે. ભવિષ્યમાં અમેરિકામાં પુનઃ પ્રવેશ પણ પ્રતિબંધિત થઈ શકે છે.

વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું કે, યુએસમાં રહેનારા દરેક વિદેશી નાગરિકો માટે હવે નિયત સમયગાળો પૂરો થવાથી પહેલાં નોંધણી ફરજિયાત છે. જો કોઇ વ્યક્તિ આમાં નિષ્ફળ જાય છે તો તે કાયદાની દ્રષ્ટિએ ગુનાહગાર માનવામાં આવશે અને તેનું તાત્કાલિક ડિપોર્ટેશન થશે.

જણાવી દઈએ કે, અમેરિકામાં હાલ લગભગ 54 લાખ ભારતીયો વસે છે, જેમાંથી અંદાજે 2.2 લાખ લોકો ગેરકાયદેસર રીતે રહે છે. આ નિયમ સાથે ખાસ કરીને ગેરકાયદેસર ઇમિગ્રન્ટ્સ માટે મુશ્કેલીઓ વધી શકે છે.

જો કે, H-1B વિઝા ધારકો અને આંતરરાષ્ટ્રીય વિદ્યાર્થીઓ માટે થોડી રાહત છે, તેમને નોંધણી કરાવવાની જરૂર નથી, પરંતુ તેમના તમામ અધિકૃત દસ્તાવેજો સતત સાથે રાખવા ફરજીયાત રહેશે.

English summary

New US Immigration Rule Effective April 2025: Mandatory Registration for Foreign Nationals